Open main menu

King computing ampong optical recording, ing optical disc (CD[mangailangangan yang sitas/suporta]) o optical disk (WORM[mangailangangan yang sitas/suporta]) metung yang patag (flat), keraklan mabilug, a disc a maliaring magdalang audio, video o data a maka-encode kareng microscopic (malatiktik a akakit mu king lalam ning microscope) a busbus (pits) o bukul (bumps) king espesial a sangkap (keraklan aluminium[mangailangangan yang sitas/suporta]) king metung kareng dake nang patag. Ing sangkap a magdalang impormasiun, o encoding material, makatumpak ya king mas makapal a sangkap (keraklan polycarbonate) a bibilug king keraklan king disc at magsilbing dust defocusing layer. Ing paralan ning pamag-encode taglus-taglus yang spiral a makatakap king mabilug a disc, manibat king pekakilub diling daralanan (innermost track) angga ketang pekakilual (outermost track). Makasimpan ing data king kapamilatan ning laser o stamping machine (makinang panatak), at maliari yang basan nung ing lalabasan ning data suluan ya king laser diode king optical disc drive a magpadurut king disc king salusung manga 200 RPM anggang 4000 RPM o maigit pa, dependi king uri ning drive, disc format, ampo ing dayu ning read head king libutad ning disc (mas mabilis lang babasan deng daralan a pangkilub o inner tracks). Didisporman de reng kulkul o bukul ing sulung laser a masasalamin (reflected laser light) ania deng keraklan kareng optical disk (liban kareng mangatuling a disc ning orihinal a PlayStation video game console) maki itsura lang iridescent a gewa da reng grooves o bukul ning tumpak a masasalamin (reflective layer). Ing sumangid ning optical disc atin yang maka-imprentang marca o etiqueta, a keraklan gawa king papil, dapot neng kai, makalimbag o makatatak king mismung disc. Atiu kaniting dane ning disc ing mismung data, at keraklan, matatakpan yang sangkap a malino, keraklan lacquer. E anti king floppy disk, ala lang makayabeng lulanan a protecciun deng keraklan kareng optical disc, ania maralas lang mikakaprublema king pamamasa king data uling kareng gasgas, bakas da reng taliri, ampong aliwang prublemang ibat king paligid.

Optical discs
Optical media types
Standards
Further reading
The optical lens of a compact disc drive.

Keraklan, maki lapad (diameter) lang 7.6 ampong 30 cm (3 anggang 12 pulgada) deng optical disc, nung nu ing 12 cm (4.75 pulgada) ing pekamaralas a dagul. Keraklan, maki kapal yang 1.2 mm (0.05 pulgada) ing disc, kabang ing track pitch (dayu manibat king libutad ning metung a daralanan o track angga king libutad ning tutuki) keraklan 1.6 µm (microns) ya.

Metung kareng atlung recording type o uri ning pamagsimpan ing susuportan ning optical disk: read-only (alimbawa: CD ampong CD-ROM), recordable (write-once, alimbawa CD-R), o re-recordable (rewritable, e.g. CD-RW). Deng write-once optical disc keraklan atin lang organic dye recording layer king pilatan ning sangkap a atiu lalam o substrate ampo ing tumpak a masasalamin o reflective layer. Deng rewritable disc keraklan atin lang alloy recording layer (tumpak a gawa king samut ning metal) a bibilugan ning phase change material, a keraklan AgInSbTe, a pisamut a pilak, indium, antimony ampong tellurium[1]

Keraklan, gagamitan la reng optical disc king pamagsimpan king tigtigan o musica (alimbawa bang patigtig king CD player), video (alimbawa bang patigtig king DVD player), o data ampong programs para kareng personal computer. Ing Optical Storage Technology Association (OSTA) susuportan no reng standardized optical storage format. Lipat ning mas matibe la reng optical disc kesa kareng minunang format a audio-visual ampong data storage (pamagsimpan data), maliari lang masira uling king aldo-aldong pamangamit ampong uling king paligid. Deng aklatan ampong simpanan (archive) papaliari lang kaparalanan para king pamagpanatili kareng optical media (optical media preservation procedures) bang lumuat lang maliaring basan deti kareng optical disc drive da reng computer o kareng makayagpang a disc player.

Para king computer data backup ampong physical data transfer, miyayalilan na la deng optical disc antimo reng CD ampong DVD kareng mas mabilis, mas malati ampong mas ayasahan a gamit a solid state, lalu na deng USB flash drive. Mapaliaring taglus-taglus a marapat iti, lalu na uling daragul ing laman a daralan da reng USB flash drive, at mimumura la reti. Makanian murin, deng personal portable CD player miyayalilan lang portable solid state MP3 player, at ing MP3 music a mesali king Aptas o Internet mekabawas king bilang da reng audio CD a masasali banua-banua.

Dalerayan

  1. Guides/Storage/CD-R/CD-RW - PC Technology Guide

Karagdagang babasan

Suglung palual