Blu-ray Disc

Blu-ray Disc
Media type	High-density optical disc
Encoding	MPEG-2, H.264/MPEG-4 AVC, ampong VC-1
Capacity	25 GB (single-layer); 50 GB (dual-layer); 1 TB to 5TB (future)
Block size	64kb ECC
Read mechanism	405 nm laser:; 1× @ 36 Mbit/s (4.5 MByte/s); 2× @ 72 Mbit/s (9 MByte/s); 4× @ 144 Mbit/s (18 MByte/s); 6× @ 216 Mbit/s (27 MByte/s); 8× @ 288 Mbit/s (36 MByte/s); 12× @ 432 Mbit/s (54 MByte/s)
Usage	Data storage; High-definition video; High-definition audio; PlayStation 3; games; possibility of Quad HD 2160p

Ing Blu-ray Disc (BD), a ausan da mu namang "Blu-ray", metung yang paralan ning pamag-simpan data king optical disc a midiseniu pa yang alilan ing standard DVD format. Ing pekamaulaga nang gamit, para king high-definition video, PlayStation 3 games, ampong aliwang data, a anggang 25 GB balang single layered, ampong 50 GB balang dual layered disc.

Ibat ya ing lagiung Blu-ray Disc king blue-violet laser a magagamit ba yang basan ing disc. Kabang ing standard DVD gagamit yang 650 nanometer a malutung laser (red laser), gagamit yang mas makuyad wavelength a 405 nm blue-violet laser ing Blu-ray, at magsimpan yang alus makatánam mas dakal a data kesa king DVD.

Aniang "gera" king format da reng high-definition optical disc, makicumpitensia ya ing Blu-ray king HD DVD format. Ing Toshiba, ing manimuna kareng cumpaniang susuporta king HD DVD, minurung ya kanitang Febrero 2008, at meyari ya ing gera king format;^[2] aniang Julio 2009, pepabalu ning Toshiba ing kayang planung magpalual king sarili nang Blu-ray Disc device karas king wakas ning 2009.^[3]

Ing minalkus king Blu-ray Disc ya pin ing Blu-ray Disc Association, metung a grupung maki pekakatawan da reng gagawang consumer electronics, computer hardware, ampong pelicula. Aniang Junio 2009, maigit lang 1000 deng marcang Blu-ray disc king Australia, 2500 king Japon, 1500 king United Kingdom, ampong 2500 king America (United States) ampong Canada.^[4]^[5]