Ing MPEG-1 Audio Layer 3, a mas maralas dang ausang MP3, metung yang encoding format para king digital audio a gagamit king metung a uri ning lossy data compression.

MPEG-1 Audio Layer 3
File extension .mp3
MIME type audio/mpeg
Type of format Audio

Maralas yang magagamit iti para king pamanyimpan king consumer audio (deng patigtig o katni para king pansariling/personal a gamit). Metung ya muring de facto standard a encoding para king pamanalis ampong pamipatigtig king musika kareng digital audio player.

Metung yang format a audio-specific (bukud mung kareng tigtigan o katni) a diniseniu da reng mapilan a lupung da reng inieru king Fraunhofer IIS king in Erlangen, Alemania, AT&T-Bell Labs king Murray Hill, NJ, USA, Thomson-Brandt, ampong CCETT. Metanggap ya antimong ISO/IEC standard kanitang 1991.

Gagamit yang lossy compression algorithm ing MP3 bang mabawas mayap ing kantidad o karakal ning data a kailangan ba yang dalan ing data recording kabang manatili yang malapit ketang orihinal a audio (tigtigan o katni) a e mesiksik (uncompressed) para kareng keraklan a makiramdam. Nanupata, e re tuturing a high fidelity audio deng audiophile (mahilig king pamakiramdam musika). Ing metung a simpan (file) a MP3 a melalang king mid-range (kasantingan o makalibutad) a bitrate setting a 128 kbit/s, mamie yang simpan a metung a kapulu (1/10th) ning dagul ning CD a melalang ketang orihinal a pikuanan ning tigtigan. Maliaring maglalang simpan a MP3 king mas matas o mas mabanang bitrate, at mas matas o mas mababa ing kalidad a lunto. Gagana iting pamanyiksik (compression) kapamilata'ning pamagbawas king panga-saktu (accuracy) da reng mapilan a dake ning katni (parts of sound) a tuturing dang lagpus king daramdaman ding keraklan da reng tau. Keraklan, ausan dang Perceptual Coding iti. [1] Kilub na niti, babie yang pamilarawan o pamag-representa ning katni kilub ning makuyad (short term) a time/frequency analysis window, kapamilatan ning pamangamit kareng modelung psychoacoustic ba lang idayû o bawasan ing panga-saktu da reng dakeng e ra making daramdaman deng tau, at pamag-record king matalab o episienting paralan ketang mitatagan a impormasiun. E malaut iti kareng prinsipiu o paralan a ginamit da king JPEG, metung a format a magagamit king pamanyiksik larawan (image compression format).

Panaliling/Alternatibung teknolohiyaEdit

Pun bulung: List of codecs

Dakal la pa reng aliwang audio codec, lossy man o lossless. Pareu la pamilia king MP3 deng mp3PRO, AAC, ampong MP2, at magdependi la king alus miwawangis a psychoacoustic model. Ing Fraunhofer Gesellschaft murin ing makibandi kareng dakal karing pekamaulagang patent a nung nu la makabasi deting codec, kabang deng Dolby Labs, Sony, Thomson Consumer Electronics, ampong AT&T naman ing tatalan kareng aliwa.

Lon la murin detiEdit

DalerayanEdit

  1. Jayant, N. S., Johnston, J. D. and Safranek, R. J. (1993–10). "Signal compression based on models of human perception". Proc. IEEE, Oct. 1993, pp. 1385-1422.

Suglung palualEdit