Ortelánu

Ing ortelánu metung yang táung direktung tatrabáhu king agrikultúra.

Metung a ortelánu king Nikaragua

King kawatásanEdit

"Ing Ortelanu" (1978) ing títulu ning isa karing poema king amánung Kapampángan ning talasúlat a Filipínung ing Anak ning Arenas.

nung pacasurian me, itang Ortelanu
peca-mapalad yang lelangan ning Guinu
sariwa ya angin, pamangan cumpletu
cakbe neing panaun, uran, aldo, bagyu

abe no qng obra, ding cayang alyadu
damulag ng tapat, a e mareclamu
sarul ng mataram, gamit neng expertu
garetang pisaquen, nanu mang dala mu

ing oras ng gising, ya ing maqui-planu
maranun o ugtu, 'lang mutus mang ninu
dulung yang maranun, maranun yang ma-ugtu
ticdo ne mang ugtu, ninung magreclamu

pamag-ortelanu, macapag-mulala
itanam me ing butul mamunga yang sabla
cailangan nang danum, mumuran mung qusa
paling pamparagul, queng aldo sagana

pamangan animal cabud na tutubu
diqut ning damulag, e cailangang lutu
pati inuman da, queng bomba tutulu
o quetang talaga carin mo isaclu

dacal ing sucat a malyaring apangan
a malaguang acua at agawang ulam
queng gulut marangle, masqui lele dalan
eca caulatan nung eca maselan

anti mo ing tulud ning Bulung Apalya
dinan meng camatis saca me iguisa
sabauan meng dacal ba meng panambula
nung adua mung oras milabas na ca pa

o caya naman ing Langguk ning Camanyang
ing tulud na't sabo manyaman mu naman
iguisa meng bawang saca me bagucan
atin na cang lutung masustansyang ulam

o ita mu namang Camuting Tinalbos
manyaman yang ulam ampong pritung bangus
nung atin cang aslam, anguiang ya mung purus
tiltilan meng baguc qumabsi cang lubus

atin mu ring Kangkung careng sapa-sapa
malyaring adobu o simpli mung guisa
lalu yang manyaman nung mag-sigang ca sa
at nung gipit ca man, malyari neng laga

metung pang manyaman, itang Maligosu
tutubu lang dacal quetang lele atbu
guisa meng camatis at tumun cang bayu
potang iulam me, qumabsi cang ustu

at detang Sampaga da ring Culubasa
pucpucan mong bauang at baguc queng tasa
ibabo mo quetang nasing caibat mibua
potang menangnang na sapotian mu ne ya

aguiang itang Tulud manyaman mu naman
guisa mu o yabe queng pipagsabauan
aguiang baguc ya mu't camatis ing yagnan
dagul na ca subu at manyaman mangan

caleldo't cauran deng Kabuting are
o detang Quat duldul carin qng marangle
at Payung-payungan lalam cuayan lele
manyaman lang sabo, masustansiyang gule

panulam mu naman itang Putat mangga
bague ya queng baguc itang quekaslam na
pero siguru mas bague gamitan ya
potang gagawa cang manyamang salada

... atin ya pung casuglung
  Ing artikulung ini metung yang suli. Makasaup ka king Wikipedia kapamilatan ning pamandagdag kaniti.