Pun dutung
Ing pun dutung (tree king Ingles) metung yang magkaluat a marutung (perennial woody plant). Keraklan, ing bibie rang kabaldugan kaniti, metung a tanaman a marutung a dakal a sangang kaduang uri (secondary branches) a daralan king babo ning gabun king metung a manimunang tangkeng malinong makababo kabilian (having clear apical dominance).[1] Mamie lang pekamababang kátas deng aliwang sinulat, manibat 3 m[2] anggang 6 m;[3] ating sinulat a babie pekamababang kátas a 10 cm a lapad ning tangke (30 cm girth).[4] Deng marutung a tanaman a e makapante kaniting kabaldugan uling dakal la tangke o kulang la lapad o dagul, ausan da lang palungpung (shrubs king Ingles). Nung pakiyanti ro kareng aliwang tanaman, makaba la bie deng pun dutung, at miraras lang pilang libung banua deng aliwa, at miraras lang anggang 115 m (379 ft) king kátas.[5]
Maulaga lang dake ning kapadurutan deng pun dutung uling sasaup dang lisian ing pangatibag at babie lang kapadurutan a protectadu o makakambil king panaun king kilub ampong lalam da reng karelang bulung. Sasaup la murin king pamaglalang king oxygen ampong pangabawas king carbon dioxide king alapap (atmosphere), ampo ing pamanatili nang kasantingan ning pali o temperatura king gabun. Kayabe la murin king landscaping ampong agricultura, uling king karelang itsura ampo kareng tanaman kareng tamnanan (orchard) anti reng mansanas. Ing dutung ibat kareng pun dutung gagamitan ya king pamangawang bale ampong gusali, at manimuna yang pikukuanan enerhia kareng dakal a susulung a bangsa (developing countries). Maki papil la murin deng pun dutung king mitolohia da reng dakal a lugal king yatu.[6]
King literatúra
- "Dálit ning Dútung", kawatásan nang Renato Alzadón
Lon la murin
Dalerayan
Notes
- ↑ Huxley, A., ed. (1992). New RHS Dictionary of Gardening. Macmillan ISBN 0-333-47494-5.
- ↑ Rushforth, K. (1999). Trees of Britain and Europe. Collins ISBN 0-00-220013-9.
- ↑ Mitchell, A. F. (1974). A Field Guide to the Trees of Britain and Northern Europe. Collins ISBN 0-00-212035-6
- ↑ Utkarsh Ghate. Field Guide to Indian Trees, introductory chapter: Introduction to Common Indian Trees (RTF). Retrieved on 2007-07-25.
- ↑ Gymnosperm Database: Sequoia sempervirens
- ↑ Going Out On A Limb With A Tree-Person Ratio, Morning Edition, National Public Radio. 12 Nov 2008.
Pikuanan
- Pakenham, T. (2002). Remarkable Trees of the World. ISBN 0-297-84300-1
- Pakenham, T. (1996). Meetings with Remarkable Trees. ISBN 0-297-83255-7
- Tudge, C. (2005). The Secret Life of Trees. How They Live and Why They Matter. Allen Lane. London. ISBN 0-713-99698-6
Suglung palual
- Gymnosperm database
- Silvics of North America Archived Juliu 8, 2011 at the Wayback Machine
- University of Florida's Landscape Plants website
- Global Trees Campaign (campaigning to save the world's most threatened trees)
- International Society of Arboriculture
- Eastern Native Tree Society Archived Juliu 21, 2011 at the Wayback Machine
- Western Native Tree Society Archived Juliu 21, 2011 at the Wayback Machine
- The Arbor Day Foundation
- Tree Encyclopedia Extensive collection of diagnostic photos, Morton Arboretum Specimens
- Forest and Tree program of Bioversity International