Ing acute myocardial infarction (AMI or MI), o ausan dang ataki keng pusu at keng amanung Englishheart attack, metung yang sakit a kabilyan nung nu ing mamagus a daya keng dake ning pusu mesabat ya. Ing malyari ing ischemia o pamagkulang oxygen sisiran ne o kaya paten no ring tissue keng pusu. Metung yang medical emergency, at mumunang sangkan da reng pangamate da reng lalaki at babai keti mabilug a yatu.[1] Ing mayalagang risk factor ilapin deng milabas a kasalesayan ning sakit pangvascular antimo reng atheroscleroticcoronary heart disease at ing o angina, dating ataki keng pusu o stroke, at nanu pang dating meging e pangkaraniwan a pitig ning pusu o syncope, matua keng idad—lalu na kareng 40 patas kareng lalaki at kareng babai naman 50 patas, pamanyigarilyu, labislabis a pamaninum alak, pamanggamit kareng bawal a droga, matas a triglyceride levels, matas keng LDL ("Low-density lipoprotein") at mababa keng HDL ("High density lipoprotein"), diabetes, matas a prisyun, pamanaba, at pane ing matas a stress kareng mapilan a tau.
STEMI SystemsArchived Juniu 29, 2007 at the Wayback Machine - Articles, profiles, and reviews of the latest publications involved in STEMI care. Quarterly newsletter.