Kalanse
- Para keng aliwang gamit, lawen ye ing Kalanse (disambiguation).
King biologia, ing kalanse (skeleton o skeletal system) yapin ing sistemang biological a babye supporta kareng mabibye. (Basi kaniti, malyari la muring mika skeleton deng balangkas a e mabye antimo reng gantries o en:building malyari la muring mika skeleton).
Keraklan, pipitnan do reng kalanse kareng atlung grupu – makalwal (ing exoskeleton), makalub (ing endoskeleton), ampong makabasi king likidu (metung a hydrostatic skeleton).
Mas ditak ing agyu rang dalan a bayat deng mangaragul a kalanse a makalwal kesa karetang makalub, anya makalub (internal) la reng skeletal system da reng dakal kareng mangaragul a animal, alimbawa deng vertebrate. Ing alimbawa da reng exoskeleton ila pin deng kareng arthropod, shellfish, at mapilan a insektu: metung yang masyas a anting talukab a tatakap kareng laman lub.
Pareu lang maki exoskeleton deng phylum arthropoda ampong mollusca. Uling saskup la reng exoskeleton neng daragul ya ing organismu, myayaliwa la paralan deng phylum a maki exoskeleton ba yang lutasan iti. Atin lang calcareous (maki calcium) a exoskeleton deng keraklan kareng mollusc (kamaganak da reng susû ampong parus-parus), at kabang daragul la reti, lalapad ya ing karelang kapsa (shell) a e manaliwa alcus o tabas (shape). Samantala, maglupi la (milalako ya ing exoskeleton da) reng arthropod ba lang dagul deti, metung a prosesung awsan dang molting (o ecdysis). Neng panaun ning pamaglupi, anti rong lalasawan deng arthropod deng sadya rang exoskeleton, at magpatubung lang bayung kayalili, a sisyas kapamilatan da reng myayaliwang paralan (antimo ing calcification o sclerotinization).
Ing internal skeletal system bibilugan de reng mangasyas a parti king kilub ning katawan, a pagalon ning muscular system o sistema da reng kalamnan. Nung magi lang gawa king mineral o magi lang ossified, anti kareng tau at aliwang animal, awsan dong butul|. Metung yang karagdagang elementu ning skeletal system ing en:cartilage, a magdala at manalale king skeleton. Ing cartilage, a metung pang dake da reng skeletal system, yang babye alkus (shape) king balugbug ampo king arung. Ating organismung maki skeleton a lubusang gawa king cartilage, a laganas a gawa king cartilage at ala yang bitasang butul a calcified (bibilugan ning calcium), alimbawa reng pating. Deng ligament ing mangituglung kareng butul ampo reng aliwang mangasyas a parti kapamilatanda reng ligament, at king sistema da reng kalamnan (muscular system) kapamilatan da reng tendon; pareu dong awsan lilitid deti.
Anti la mong lobung mitmung danum deng hydrostatic skeleton. Atilu reti king kilub da reng cnidarian (coral, jellyfish, atlwp.), ampo kareng annelid (linta), at aliwang animal. Makakimut la reng animal a reti potang yurung do reng karelang kalamnan (muscle) a makapadurut king suput- suputan (pouch) a mitmung danum; uli na niti, mikakaprisyun (pressure) kilub ning suput-suputan, a yang panibatan ning pamangimut. Gagamitan do reng animal antimo reng bulati king gabun (earthworm) ba yang alilan alkus (shape) ing karelang katawan kabang susulung la, manibat king makaba at payat angga king makuyad at pungguk (stumpy).
Lon la murin deti mag-edit
