Zoilo Galang
| Mibait | Juliu 27 1895 Bacolor, Pampanga, Filipinas |
|---|---|
| Kematayan | 1959 Filipinas |
| Obra | Talasulat |
I Zoilo Mercado Galang (Julio 27, 1895 – 1959[1]) métung yang talasúlat a Filipino ibat king Pampanga. Tutúring déng métung karéng minúnang talasúlat ning Filipinas king amánung Inglis.[2] Ya ing talasúlat ning múmúnang novelang Filipino ng mísúlat king Inglis, ing A Child of Sorrow, a míbulalag anyang 1921.[3]
Múmúnang dáké ning byé ampóng pámagáral
mag-editMíbait ya i Galang anyang Julio 27, 1895, king balén ning Baculud, Pampanga kari Santiago Galang ampóng Vicenta Mercado anyang taulí nang dáké ning pámaniákup ning Espania king Filipinas, at míka influencia kaya ing culturang Castila ampóng Americano anyang kayanakán na. Mégáral ya king Pampanga High School. Anyang múmúna, mégóbrá ya antimóng stenographer karéng amánung Castila ampóng Inglis. Ménigáral ya múrin i Galang báng maging abogádu, ónéng alang kasulátan dikil king pángayári na king abogacia.[2]
Caréra
mag-editMékilála ya karéng kasulátán na king Inglis. Píkabaluan ya king múmúnang pángabulalag da réng pilang óbrang Filipino king Inglis:[2]
- A Child of Sorrow (1921) – múmúnang novela king Inglis king Filipinas
- Tales of the Philippines (1921) – múmúnang pindwan (volume) da réng alamat ampóng salítang pangmaldâ (folk tales) king Inglis
- Life and Success (1921) – múmúnang pindwan da reng salese king Inglis king Filipinas
- The Box of Ashes and Other Stories (1924) – mumunang pindwan da réng makúyad a salíta king Inglis king Filipinas
Míbulalag lá múrin déng kayang salésé (essays) king The Best Thing in the World ampóng Master of Destiny (a paréung míbulalag anyang 1924):[2]
Ménigobrá ya mú namang gáwang adwang púlung (20) pindwan ning enciclopedia karéng paksá dikil king Filipinas anyang 1957. Míka sumbágal king pángabulalag ning pítipúnan/colleccion úling mésilab ya anyang Kadwang Gérang Pangyátu, ónéng míbulalag ya ing katlung edicion kaybat da réng silab. Angga ngéni, mayayákit la réng copia karéng aklátan king mabílug a yátu. Ménigóbra yá múrin antimóng talasúlat da réng kasulátan king kasalésáyan pára karéng mágáral a elementária, antimó réng Leaders of the Philippines (1932), Important Characters in Philippine History (1939), Mario and Minda (1940), Hero of Tirad Pass and Others (1949), Mr. Perez, Teacher (1950) ampóng Home, School and Community (1950).[2]
Talasúlat ya múring king Kapampángan i Galang. Déni déng kayang novelang Kapampangan
- Casaquitan at Ligaya (1919)
- Ing Capalaran – Ing Galal ning Bie (1923)
- Capatac a Lua (1925)
Daléráyan
mag-edit- ↑ "Philippines". World and Its Peoples: Eastern and Southern Asia (Marshall Cavendish) 9: 1250. 2007. ISBN 978-0-7614-7631-3. Archived from the original. You must specify the date the archive was made using the
|archivedate=parameter. https://books.google.com/books?id=72VwCFtYHCgC&q=Zoilo+Galang&pg=PA1250. - ↑ 2.0 2.1 2.2 2.3 2.4 Galang, Zoilo (fil). UP Institute of Creative Writing (6 June 2014).
- ↑ Elmer A. Ordoñez's Book Review, The Sunday Times/The Manila Times, March 14, 2004
Template:Philippines-writer-stub
Template:Kapampangan article