WorldCat
Ing WorldCat metung yang union catalog a mag-grupu-grupu o maglarawan dikil kareng dake kareng coleccion o pamitipun da reng 71,000 a aklatan kareng 112 a bangsa[1] a kayabe king Online Computer Library Center (OCLC) a cooperativang pangyatu. Tinikdo re at mamantinian deng kayanib a aklatan.
Melalang ya kanitang 1971, at atin yang maigit 150 milion a miayaliwang simpan (records) a tuturu kareng 1.4 bilion a banding pisical ampong digital kareng maigit 470 amanu.[1] Ya ing pekamaragul a bibliographic database king yatu. Ing OCLC darake neng alang bayad ing WorldCat kareng aklatan, dapat ing catalogo batayan de reng aliwang serviciong OCLC a maki bayad (anti king resource sharing ampong collection management). Ing WorldCat tetag neng Fred Kilgour kanitang l967.[2]
Dalerayan
- ↑ 1.0 1.1 WorldCat facts and statistics. Online Computer Library Center (2009). Retrieved on November 4, 2009.
- ↑ Margalit Fox, "Frederick G. Kilgour, Innovative Librarian, Dies at 92" (obituary), New York Times, August 2, 2006.