Vicente Manansala
I Vicente Silva Manansala (Enero 22, 1910 - Agosto 22, 1981) metung yang pintor o talapinta ampong ilustrador a cubist.[1]
.jpg)
Mibait ya i Manansala king Macabebe, Pampanga. Manibat 1926 anggang 1930, megaral ya king U.P. School of Fine Arts. Aniang 1949, mekatanggap yang anam a bulang grant ibat king UNESCO bang maragal king Ecole de Beaux Arts in Banff ampong Montreal, Canada. Kanitang 1950, tinanggap yang siam a bulang scholarship bang magaral king Ecole de Beaux Arts king Paris ibat king kapamahalan ning Francia.[1]
Lalarawan do reng lonang (canvas) pinintura nang Manansala antimong obra maestra nung nu mibuklud ing cultura ning barriu ampo ning ciudad o lakanbalen. King Madonna of the Slums, papakit ne ing metung a ima ampong anak ibat king marangleng menuknangan king lugal a squatter karas da king lakanbalen. King Jeepney, piayabe nong Manansala deng elementu ning culturang da reng malda king lalawigan kareng issue ning pamisiksikan king lakanbalen.[1]
Inalkus neng Manansala ing transparent cubism, nung nu la "mitutumpak deng maselan a kule, tabas ampong diseniu da reng tau ampong animal ampo ing kapadurut" (delicate tones, shapes, and patterns of figure and environment are masterfully superimposed). Metung yang masanting a alimbawa ning pamangamit nang Manansala kaniting kaparalanan a malino ampong tataglusan ning sala ("transparent and translucent") ing kayang gewang Kalabaw (Damulag).[1]
Metung yang National Artist ning Filipinas king Visual Arts i Vicente Manansala, at derechu ing kayang ayambag o a-influencia kareng kalupa nang neo-realist a Filipinu: Malang, Angelito Antonio, Norma Belleza and Baldemor.[1] Ing Honolulu Academy of Arts, ing Lopez Memorial Museum (Menila), ing Philippine Center (New York City) ampo ing Singapore Art Museum kayabe la kareng pampublicung pamitipun o coleccion a maki obra nang Vicente Manansala.
Obra
- Madonna of the Slums
- Jeepneys
- Kalabaw (Carabao), oil on canvas, 28.5 inches x 38 inches, 1965
- Murals "Stations of the cross " in the Church of the Parish of the Holy Sacrifice
- Bangkusay Seascape. 1940. Oil on canvas. 14 x 18 inches.
- Pila Pila sa Bigas (Left and Right). 1980. Oil on canvas. 51 x 84 inches.
Dalerayan
- ↑ 1.0 1.1 1.2 1.3 1.4 Endaya, Imelda Cajipe (artist and independent curator) and Cecilia B. Rebong (Philippine Consul-General). "Pamana: Modernong Sining" (A Heritage of Modern Art), An Art Exhibit from the Collection of the Philippine Center in New York, Printed Catalogue, The Consulate General of the Philippines, Philippine Center Management Board, and PCGNY.net, June 11, 2007, 12 pages.
Lon ya murin
Ing artikulung iti tungkul king tau, lugal o bageng maki kaugnayan king Kapampangan metung yang suli. Maliari kang sumaup keng Wikipedia kapamilatan ning pamandagdag o pamisusug kaniti.