Vicente Dizon y Álvarez
Y Vicente Dizon y Álvarez, anak neng José Sampedro Dizon ning Bacolor, Pampanga, at Rosa Carlos Álvarez ning Concepcion, Tarlac, mibait ya king Malate inyang Abril 5, 1905.
Ing matuang Dizon, metung yang graduate ning University of Santo Tomas inyang 1897, at metung yang landscape artist at botanist-agronomist na ning Bureau na ning Agriculture.
King kayang obra, mitutukan yang magobra kareng balen Capas king Tarlac, Magalang king Pampanga, at Cabanatuan king Nueva Ecija.
Ing anak a Vicente atin yang maranun a pamanigaral king Malate Primary School, at sindu ne ing kaduang antas a pamanigaral karing balen nung nu ing tatang na karin ya midistinu.
Ing tatang buri neng magaral medicina ing anak. Ing anak memintu ya at megaral ya king National University Colegiu ning Medicina inyang 1921-23.
Y Dizon kaibat linipat ya king UP School of Fine Arts, nung nu kinanwa ya limang banuang cursu at migraduate yang mikadiploma keng art inyang 1928. Kaibat ning graduation, meging yang mumunang diling artist-lecturer na ning Filipinas.
Iya ing mumunang Filipinung meyambut keng maulagang scholarship keng aliwang bangsa, kalupa na ning memie galal kaya a binie ning Federal Schools ning Art king Minneapolis, Minnesota.
Y Vicente ing miglalalang keng pintang After the Day's Toil a miniambut mumunang galal king ligligan a panginternational keng art king Golden Gate Exposition king San Francisco, California, inyang 1939.
King kayang sarili, megapply at mirinan yang scholarship king Yale.
Ding suglung palual
mag-edit- Vicente Alvarez Dizon [1]
Iti metung yang stub tungkul keng Kapampangan talalalang at malyari meng pasantingan, dagdagan, itulid ampong samasnan ining stub. Nung atin kayung kutang sulatan ye ing metung kareng mangasiwa i Val2397 03:57, 18 Juniu 2009 (UTC)
Makasaup ka king Wikipedia kapamilata'ning pamanalili na niti.
Ing artikulung iti tungkul king tau, lugal o bageng maki kaugnayan king Kapampangan metung yang suli. Maliari kang sumaup keng Wikipedia kapamilatan ning pamandagdag o pamisusug kaniti.