The Crowded Room

Ing The Crowded Room metung yang Amerikanung thriller sikolohika at miniseryeng pangtelebisyun a pikatsa nang Akiva Goldsman at miyapsi ibat king 1981 nobelang non-fiction The Minds of Billy Milligan a sinulat nang Daniel Keyes. I Tom Holland, Amanda Seyfried, at i Emmy Rossum ilang manimuna karing pesiganap kambe da ring kasaup dang cast a bibilugan da ri Sasha Lane, Will Chase, Lior Raz, Laila Robins, at i Henry Eikenberry.

The Crowded Room
Genre	Drama Psychological thriller
Created by	Akiva Goldsman
Developed by	Todd Graff
Starring	Tom Holland Amanda Seyfried Sasha Lane Will Chase Lior Raz Emmy Rossum
Composer(s)	Trevor Gureckis
Country of origin	United States
Original language(s)	English
No. of seasons	1
No. of episodes	10
Production
Executive producer(s)	Arnon Milchan Yariv Milchan Michael Schaefer Kornél Mundruczó Suzanne Heathcote Alexandra Milchan Tom Holland Akiva Goldsman
Producer(s)	Kata Wéber
Editor(s)	Christopher Rand Kevin Birou Dávid Jancsó
Cinematography	Ksenia Sereda William Rexer
Running time	38–56 minutes
Production company(s)	Apple Studios New Regency Weed Road Pictures EMJAG Productions
Broadcast
Original channel	Apple TV+
Original run	Juniu 9, 2023 (2023-06-09) – Juliu 28, 2023 (2023-07-28)

Iting serye tutukian ne ing kwentu nang Danny Sullivan (Holland) kaibat nang mesukul uli ning pangasangkut na king metung a barilan king New York City iniang 1979. Sasalese neng Danny ing talambie na kambe da ring serye ning pamitalamitan na kang Rya Goodwin (Seyfried), metung a interogador, at masusi nang inapse kang Rya, at karing manalbe karela, ing mabutiltil nang milabas a mitake kaya king makapangablad a kabilyan. King pamaniaglaue nang Danny dikil king meging bie na, apiisip ne ing kayang milabas, at mapilang salelayan a penandit na niti, katataulian iti migdala kaya ban mibusni ya ing metung a makapanibayung-bie a pahayag.

Iniang ka-9 ning Hunyo, 2023, ing The Crowded Room migpremiere ya kambe da ring mumunang atlung dangka o episodes king Apple TV+. Balang metung karing mitukituking pitung dangka linual la balang paruminggu angga kanitang ka-28 ning Hulyo, 2023.

Ding Pesiganap

Ding Manimuna

• Tom Holland anting Danny Sullivan, metung a tauan a menalumpakan kang Billy Milligan
• Amanda Seyfried anting Rya Goodwin
• Sasha Lane anting Ariana
• Will Chase anting Marlin Reid
• Lior Raz anting Yitzak Safdie
• Emmy Rossum anting Candy Sullivan

Ding Daralo

• Emma Laird anting Annabelle
• Thomas Sadoski anting Matty Dunn
• Levon Hawke anting Jonny
• Sam Vartholomeos anting Mike
• Christopher Abbott anting Stan Camisa
• Jason Isaacs anting Jack Lamb
• Zachary Golinger anting ding mainsak a Danny Sullivan at Adam Sullivan
• Laila Robins anting Susie
• Henry Eikenberry anting Doug
• Henry Zaga anting Philip
• Carmen Ejogo anting Patricia Richards

Kalalangan

Ing Kaunlasan na

Iniang Abril 2021, apibalak nang Akiva Goldsman ing isulat ne para king Apple TV+ ing The Crowded Room, metung a antolohiyang seryeng pantelebisyun a maki-apulung dangka nung nu ing kamumulan na niti metung yang adaptasyun ning nonfiction a nobela nang Daniel Keyes, ing The Minds of Billy Milligan. Apiyari na mu naman Goldsman ing ilalang ne iting serye king kayang kumpanyang Weed Road kayabe no keti ri Tom Holland, Alexandra Milchan kambe ning EMJAG Productions, ilang Arnon Milchan, Yariv Milchan at Michael Schaefer kambe ning New Regency. Ing mumunang dangka mipasinaya yang menalumpakan ibat king personal nang pamibiebie Goldsman at minapsi ya naman katingiran king nobela nang Keyes. Mitutukan ya i Kornél Mundruczó ban magdirek king mumunang dangka at migsilbi ya naman anting executive producer kayabe nang Suzanne Heathcote. Ding pesisulat king mumunang dangka ila pin ri Akiva Goldsman, Henrietta Ashworth, Jessica Ashworth, Suzanne Heathcote, Cortney Norris at i Gregory Lessans.

Ing Pamitalaga karing Talaganap

Antimurin iniang Abril 2021, mitalaga ya i Holland king lead role ning mumunang dangka, iniang mumuna kapaniualan dang ya ing ganap anting Billy Milligan, dapot katataulian mipabal metung yang tauan a makilagyung Danny Sullivan (a makasalig pa mu rin kang Milligan). Agpang kang Goldsman, i Holland yang "pekamumuna at bukud diling" lepitan na ban ganap kang Danny. Iniang Pebrero 2022, miragdag la karing talaganap di Amanda Seyfried, Emmy Rossum, Will Chase, Sasha Lane, Christopher Abbott at iEmma Laird. Iniang Mayo naman, mekiagum la ri Jason Isaacs at i Lior Raz karelang talaganap.

Ing Pangapelikula

Ing ludaying pasinaya na niting serye migmula kanitang ka-31 ning Marso 2022 karin king New York City. Metung ya ing NBC Studios karing lugal a pipagludayan, iti makasaut ya king bantug a 30 Rockefeller Plaza. Meyari ya ing pamagludayi iniang ka-28 ning Setyembre, 2022.

Ing Pangalabas

Mipasinaya la ring mumuna nang atlung dangka ning The Crowded Room iniang ka-9 ning Hunyo, 2023 at ding katuking dangka mibastag la tia-metung balang paruminggu angga iniang ka-28 ning Hulyo.

Ing Pamananggap ning Malda

Belita ne ning websayt ning review aggregator a Rotten Tomatoes ing 33% approval score kambe na ning average rating a 4.8/10 agpang karing 49 a reviews. Agpang king pamisangsiwala na ning metungge websayt, "Ing The Crowded Room bibilangan de ring talentung e pasubali at mitatag king pasinayang mipnung katuparan, dapot ing istorya na pupulandit yang durutdurut, a meging sangkan ning kayang kasangilan at madalas makabansung karanasan." Ing Metacritic, a mengitangka agpang king weighted average, dinuang ne ing puntos a 48 ibat king 100 agpang karing 26 a kritiko, a mesambitlang "mixed or average reviews".

Susug Kilual

• The Crowded Room king Internet Movie Database