Stephen Curry
I Wardell Stephen "Steph" Curry II (míbayit 14 ya ing Marzo 1988) métung yang Americanung profesional a mámiálung basketball ampóng point guard para king Golden State Warriors king National Basketball Association (NBA). Maralas déng tutúring a mapiang díling shooter ning kábang panaun, i Curry, a páramlan dang pámagdalang pámagbayu king sport kapamílatan ning pámagsilbing inspiracion karéng pangkat ampó karéng mámiálung a gamítan ya ing three-point shot.[1][2][3][4] Mékatápat ya méging campeon ning NBA, mékatadwá ya méging NBA Most Valuable Player (MVP), mégí yang NBA Finals MVP, NBA All-Star Game MVP, NBA Clutch Player of the Year, ampóng inaugural NBA Western Conference Finals MVP. Mékatadwá ya múrin méging NBA scoring champion, mékatapúlú ya méging NBA All-Star, ampóng mékatapúlú ya míyábé king All-NBA selection (kayábé la réng ápat king First Team). Karéng áliwang bangsâ, sínambut yang adwang gintung medalla king FIBA World Cup ampóng métung a gintung medalla king 2024 Summer Olympics antimóng kayánib king U.S. men's national team.
- ↑ Reiter, Bill (June 22, 2022). The Stephen Curry debate about whether he belongs in NBA's top 5 of all time not a debate.
- ↑ Abbott, Henry (March 18, 2016). Stephen Curry isn't just the MVP – he is revolutionizing the game. ESPN.
- ↑ Template:Cite magazine
- ↑ Dougherty, Jesse (March 5, 2018). "The Steph Effect: How NBA star is inspiring — and complicating — high school basketball".
| Stephen Curry | |
.jpg) I Curry king White House anyang 2023 | |
| Mibait | Wardell Stephen "Steph" Curry II 14 ya ing Marzo 1988 (edad 36) Akron, Ohio, Estados Unidos |
|---|---|
| Kapanintunan/propesion | Profesional a mámiálung basketball |