Santa Rita, Pampanga
Ing Santa Rita kapat yang klasing balen ning lalawigan ning Pampanga, Filipinas. Agpang king census iniang 1 Mayu 2020, atin yang populasyun a 48,209 a katau karing 11,433 a pamibalebale. Mibantug ya ing balen Santa Rita karing kayang "Turones de casoy", antimurin king pamag-ortelanung kabiayan da ding kayang memalen.
Santa Rita | |
|---|---|
 | |
 Mapa ning Pampanga ampong Santa Rita ilage | |
 | |
| Puuk: 14°59'43.01"N, 120°36'55.01"E | |
| Bansa | Filipinas |
| Labuad | Kalibudtarang Luzon (Rehiyong III) |
| Lalawigan | Pampanga |
| Tuknangan | Balen |
| Barangay | 10 |
| Sukad | |
| • Kabilugan | 29.76 km2 (11.49 sq mi) |
| Elebasyun | 16 m (52 ft) |
| Populasyun (Sensu ning 1 Mayu 2020) | |
| • Kabilugan | 48,209 |
| • Densidad | 1,600/km2 (4,200/sq mi) |
| • Pamimalemale | 11,433 |
| Economia | |
| • Uryan | pangapat yang klasing balen |
| • Panakitan | ₱139,061,446.56 (2020) |
| • Activos | ₱321,538,034.58 (2020) |
| • Pasivos | ₱74,134,637.03 (2020) |
| • Gastos | ₱143,342,138.48 (2020) |
| Kodigo Postal | 2002 |
| PSGC | |
| IDD : area code | +63 (0)45 |
| Amanu | Kapampángan Tagálug |
| Websayt | www.santaritapampanga.gov.ph |
Deng Barangay
Ing Santa Rita atin yang apulung (10) barangay.
- Becuran
- Dila Dila
- San Agustin
- San Basilio
- San Isidro (Gasak)
- San Jose
- San Juan
- San Matias
- Santa Monica
- San Vicente
Demograpiku
| Taun | Pop. | ±% p.a. |
|---|---|---|
| 1903 | 7,954 | — |
| 1918 | 8,989 | +0.82% |
| 1939 | 10,801 | +0.88% |
| 1948 | 12,684 | +1.80% |
| 1960 | 15,492 | +1.68% |
| 1970 | 19,439 | +2.29% |
| 1975 | 22,167 | +2.67% |
| 1980 | 24,995 | +2.43% |
| 1990 | 28,296 | +1.25% |
| 1995 | 32,321 | +2.52% |
| 2000 | 32,780 | +0.30% |
| 2007 | 36,723 | +1.58% |
| 2010 | 38,762 | +1.99% |
| 2015 | 40,979 | +1.06% |
| 2020 | 48,209 | +3.25% |
| Sanggunian: Philippine Statistics Authority[1][2][3][4] | ||
Amlat
Ding mumuna nang registru ning balen misulat la iniang kalabing-anam (16) a siglu ketang bandang banuang 1500 agpang karing dokumentu da ring fraileng Agustino king Intramuros, Menila.
Mesaglawe agpang karing kayamlatan king iting balen meging dake ne ning Porac kanitang panaun ing balen metung yang kaparangan nung nu la dakal ding mangatas a dutung. Ding minunang menuknangan keti gesakan re ing metung nang dampul at iti meyaus yang sitio Gasak, lalam nang patronazgo San Isidro Labrador.
Kanitang meragul no kabilangan at merakal na la ring menuknangan keti, makapilan ukdu yang mipailalam anting visitas nang Santa Rita de Cascia lalam na ning parroquia nang Santa Catalina de Alejandría king Porac, dapot pilan ya namang ukdung mikauani anting magsasariling parroquia, ania maralas deng ausan iting balen anting "Santa Rita de Lele" o "Santa Rita de Baculud" uli ning pangalapit na king Villa de Bacolor. Meguing magsasarili yang parroquia ibat king Porac kanitang banuang 1726.
Iniang banuang 1839, y Fray Francisco Royo, OSA pigumpisan neng telakad ing adobeng pisamban nang Santa Rita de Cascia kanitang panaun nang Don Tomás Gosioco y Amio anting capitán municipal. Y Don Tomás Gosioco Archived Juliu 18, 2023 at the Wayback Machine ya ing minagyag karing atinan a familia ning balen ban munie financial a saup king pangapayari na ning mesabing pisamban. Ing metung karing kumpana a makilagiung "Nuestra Señora de Correa" binie neng Don Tomás anting donasiun. Kambe neng Fray Juan Merino, OSA anting cura párroco kanitang banuang 1870 iniang magaua ya ing makabang dalan ibat king kabalenan papunta king balen Guagua, a mayayaus ngening Dalan Bayu, a dake na mu naman ning salukuyan a Porac-Santa Rita-Guagua Road.
Keti labuad Kapampangan, iting balen banda yang albugan ning balen Porac, king dane neng babo ning balen Bacolor at king dane yang aslagan at lalam ning balen Guagua. Migit-kumulang yang labingapat (14) a kilometru kalaut king ciudad na ning San Fernando.
Ing Fiestang Balen na ning Santa Rita e re sasalanan pagmasusian ding memalen na balang kaduangpulu't adua (22) ya ing Mayu.
-
Façade of Villa Epifania -
Villa Epifania: The Grand Old House of Sta. Rita -
Film site of "Tinimbang Ka Ngunit Kulang" & "Tanging Yaman") -
Cultural treasure of Santa Rita
-
The mansion is administered by the heirs of Felipe Guanzon y Epifania Alvendia -
The ancestral lot was owned by the Guanzon patriarch Don Agapito Guanzon (Captain Pitong) the then Captain Municipal (equivalent to today’s municipal mayor) of Sta. Rita.
Panibatan
- ↑ Census of Population (2015). "Total Population by Province, City, Municipality and Barangay". Total Population by Province, City, Municipality and Barangay. PSA.
- ↑ Census of Population and Housing (2010). "Total Population by Province, City, Municipality and Barangay". Total Population by Province, City, Municipality and Barangay. NSO.
- ↑ Censuses of Population (1903–2007). "Table 1. Population Enumerated in Various Censuses by Province/Highly Urbanized City: 1903 to 2007". Table 1. Population Enumerated in Various Censuses by Province/Highly Urbanized City: 1903 to 2007. NSO. https://archive.org/download/PhilippinesCensusofPopulationLGUs19032007/Region%203%20Central%20Luzon%20Philippines%20Census%20of%20Population%201903%20-%202007.xls.
- ↑ Province of. Municipality Population Data. Local Water Utilities Administration Research Division. Retrieved on [[Disiembri 17, 2016]].
Suglung Palwal