Robert Wilberforce
I Robert Isaac Wilberforce (19 ya ing Diciembre 1802 - 3 ya ing Febrero 1857) métung yang Ingles a párî ampóng talasúlat.
| Robert Wilberforce | |
 Robert Wilberforce | |
| Mibait | 19 ya ing Diciembre 1802 |
|---|---|
| Mete | 3 ya ing Febrero 1857 Albano, Italia |
| Libingan | Basilica ning Santa Maria sopra Minerva |
| Asawa | Agnes Everilda Frances Wrangham (1800–1834), Jane Legard (mete 1854). |
| Ának | William Francis Wilberforce (1833–1905), Edward Wilberforce (1834–1914) |
Anyang 1832 mí-destínu ya king East Farleigh, Kent, a yang pékilíbé na anyang 1840 kétang king Burton Agnes, malápit king Hull. [1]
Anyang 1841, mítuldú yang archidiácono ning East Riding of Yorkshire. Anyang panaun a ita mégí yang malápit i Wilberforce kang Henry Manning, at mípaglíbé lang dakal a súlat karéng pisasabian a teological ampóng eclesiastical. Malálam ing karélang pámiyabé king pámiyugnáyan ning Pisamban ning Inglaterra ampó ning Iglesia Catolica.[1] Anyang 27 ya ing Marzo 1848, mikiabe ya i Robert Wilberforce ampo ing kapatad nang i Samuel king Canterbury Association.[2] Mig-umpisa ing pámagpántuk na king relihiun anyang panaun na king Burton Agnes, ampó ing kayang pámakipaniúlat kang Manning. Úling mabágal ing pámibiébié karin, balik-bálik ini kaya. Dáragul ing kayang pánga-dismaya king ákakit nang é malínóng anggánan ning Estado ampóng Pisamban, at ditak-dítak mébáwas ing kayang katapatan king Pisamban ning Inglaterra anggang taganang méwalá na iti.[3]
Anyang 1851, línub ya i Manning king Iglesia Catolica Romana, at kaybat ning atlung banwa, tínukí ya i Wilberforce. Milyári ing kayang conversion úli ning áusan dang Gorham.[4] Anti lang mipatunayan deng kayang isipan at kaybat panga-cumbinsing ing Pisamban ning Inglaterra metung yang hereticong aguman a e na na agyu ning kayang concienciang miyabe keti, at inalis na ing kayang katapatan manibat Canterbury ampong York, papunta king Roma bandang tauli.[5]
Mágsadyá ya pára king kayang ordinacion a Catolico anyang mété ya king Albano on anyang 3 ya ing Febrero 1857. Makakutkut ya king Roma king Basilica ning Santa Maria sopra Minerva, malápit king Pantheon. Kétá yá mung kilwal ning transept ning pisamban ing kayang kutkútan.
- ↑ 1.0 1.1 Chisholm 1911.
- ↑ Bain, Rev. Michael (2007). The Canterbury Association (1848–1852): A Study of Its Members' Connections. Christchurch: Project Canterbury, 89–91. Retrieved on 22 September 2012.
- ↑ Conrad, Burkhard (2016). "he politics of a conversion – the case of Robert Isaac Wilberforce". International Journal for the Study of the Christian Church 16 (3): 192,184. doi:.
- ↑ Conrad, Burkhard (2016). "The politics of a conversion – The case of Robert Isaac Wilberforce". International Journal for the Study of the Christian Church 16 (3): 182–196. doi:.
- ↑ Conrad, Burkhard (2016). "The politics of a conversion – the case of Robert Isaac Wilberforce". International Journal for the Study of the Christian Church 16 (3): 192,188. doi:.