Phong Nha-Ke Bang

Ing Phong Nha-Ke Bang (Vietnamese: Vườn quốc gia Phong Nha-Kẻ Bàng) metung yang national park king Quang Binh Lalawigan, Vietnam. Atin yang 300 a lukib o cueva ining parke, at maki kaba yang 70 km, nung nu 20 km na ing asusuri da na deng sientistang ibat Britania ampong Vietnam. Dakal ya ilug king lalam ning gabun ing parke, at maki miayaliwang mabibie (biological diversity). Aniang 2003, linista ne iti ning UNESCO antimong metung kareng karinan a pamanang pangyatu (world heritage sites), antimong metung a natural heritage site.

Ing lukib ning Phong Nha king Phong Nha-Ke Bang National Park

Ing lukib ning Tien Son king Phong Nha-Ke Bang National Park

Geologia

Amlat ning pamanalkus

Ing Phong Nha–Ke Bang karst mealkus ya manibat inyang Paleozoic (mga 400 yutang banua a milabas na) inya iti ing pekamatuang puna karst a karinan king Asia. King kayang pamanalkus iti mengayalilan yang mangaragul a tectonic a atin yang tukituking miyaliwang pinduan a batu a sapinsapin king mangasakit pang aliwang paralan. Mekad agiang pitung batung pamanalkus a antas na ning karst atin ya pauli ning pamanas ning tectonic ampong pamanaliwa ning pante ning dayat malat. Ing mayayakit a karst ning PNKB tutu yang binang masakit a atin matas a geodiversity ampong geomorphic features a kapansinpansin a alaga. Kalupa ning keraklan ning Vietnam, iti mengalantang ya kareng dakal a tectonic a pamanaliwa inya deng limestones ning Phong Nha makaikat la kareng mapilan a aliwang batu. Atin masikan a lalto na ing sulphurous solusiun ampong hydrothermal action atin yang ambag mayalagang keng pamanalkus na ning pangaaske da ring landscape ampong lukib, agiang epa mesuring masalese iti.