Pablo Picasso

I Pablo Ruiz Picasso (Octubri 25, 1881 king Málaga, Espania - Abril 8, 1973) metung yang talapinta (pintor) ampong taladukit (eskultor) a Espaniol. Tuturing deng metung kareng manimunang talalalang (artist) ning yatu aniang kaduang pulung dilanua o siglu. Ing kumpletu nang lagiu, Pablo Diego José Francisco de Paula Juan Nepomuceno María de los Remedios Cipriano de la Santísima Trinidad Clito Ruiz y Picasso. Pekakilala ya antimong metung kareng mitátag king Cubism. King Cubism, babangalan no o pamirasuan ning pintor deng bage-bage, at piaben-abayan nong pasibayu deti king alkus o pormang abstract. Tatantian dang miras lang 13,500 a larawan a pinintura, 100,000 a grabadu (prints or engravings), 34,000 a larawan king libru ampong 300 a dinukit o (sculpture) ampong seramiku (ceramics) deng kayang lelangan.

Metung a dinukit nang Picasso king Chicago, Illinois, USA

Pablo Picasso (1962)

Signatur Pablo Picasso

Malati ya pamu i Picasso, biasa neng gumulis ampong mamintura. Ing mumuna nang katayang sinabi, yapin ing lápiz.

Aniang siam yang pulung (90) banua, pepakit do reng aliwa nang obra king metung a exhibition king Louvre king Paris. Ya ing mumunang mabieng talalalang a pigsadia rang anti kaniti king Louvre.

Apat la reng megi nang ának Picasso kareng atlung bábai. Mete ya king ataki king pusu kanitang 1973.

Ing artíkulung ini metung yang súlî. Makasáup ka king Wikipedia kapamílatan ning pámandagdag kaniti.