Orissa
| ?Orissa India | |
| |
| Coordinates: | |
| Oras zona | IST (UTC+5:30) |
| Lualas | 155,820 km² (60,162 sq mi) |
| Tungku | Bhubaneswar |
| Pekamaragul a lakanbalen | Bhubaneswar |
| Distritu) | 30 |
| Populasiun • Pangasiksik |
36,706,920 (11th) • |
| Amanu | Oriya |
| Governor | Murlidhar Chandrakant Bhandare |
| Chief Minister | Naveen Patnaik |
| Established | 1 April 1936 |
| Legislature (seats) | Unicameral (147) |
| ISO abbreviation | IN-OR |
| Website: orissa.gov.in | |
 | |
Ing Orissa (Oriya: ଓଡ଼ିଶା) pronunciation metung yang estadu king aslagan nang dayatmalat ning India, a makabebe king Bay of Bengal. Mitátag ya aniang Abril 1, 1936 antimong lalawigan king en:British India[1], at bibilugan de keraklan deng taung magsalitang Oriya.[2]. Uli na niti, pagmasusian de ing Abril 1 antimong Utkal Divas (Aldo ning Orissa o Orissa Day).
Ing Orissa ing kasiam a pekamaragul a estadu agpang king lapad, at kalabing metung a pekamaragul agpang king populasiun. Ing Oriya ing opisial a amanu at yang dakal dili magsalita[3]. Ing Orissa atin yang bebe dayatmalat a keraklan matulid at alang dakeng makasulud o makalub (indented)[4] (about 480 km long[5]) at pilan la mu deng kayang mangasanting a sadsaran[4], bukud ketang pasilidad a malalam danum (deepwater facility) king Paradip. Makatuknang ya keraklan kareng memalen king makitid at patag a bebe dayatmalat, kayabe ne ing delta ning Ilug Mahanadi.[6]. Mabunduk ya ing dake nang kilub ning estadu, at ditak la mu deng makatuknang keti[6]. Ing Deomali, a maki kátas a 1672 m ing matas nang diling dake ning estadu.
Dakal la reng mangasikan a bagiung dadalan king Orissa. Itang pekamasikan, itang tinud kanitang Octubri 1999, ing Tropical Cyclone 05B, misnang dakal ing kayang asira, at mekapate yang apulung libu (10,000).
Atiu king Orissa ing Hirakud Dam, metung kareng pekamakabang dam king yatu. Pikabaluan la kareng turista deng miayaliwang lugal keti. Kayabe ya kareti ing Puri, nung nu ya mayayakit ing templu nang Jagannatha malapit king dayatmalat, ampo ing Konark, nung nu ya karin ing Templu ning Aldo, a pupuntalan da reng libu-libung turista balang banua. Maulaga la king arqueologia ning India deng Templung Lingaraja Temple king Bhubaneswar, ing Templung Jagannatha Temple king Puri, ing Templu ning Aldo (Sun Temple) king Konark, ampo ing Kutang Barabati (Barabati Fort) king Cuttack.
Dalerayan
- ↑ HC Orissa History. High Court of Orissa. Retrieved on 2008-10-09.
- ↑ Jain, Dhanesh (2003). The Indo-Aryan languages. Routledge, 445. ISBN 0700711309.
- ↑ language. Government of Orissa. Retrieved on 2008-10-09.
- ↑ 4.0 4.1 article on Orissa in MSN Encarta. MSN. Archived from the original on 2009-04-04. Retrieved on 2008-10-09.
- ↑ Profile of Orissa. Government of Orissa. Retrieved on 2008-10-09.
- ↑ 6.0 6.1 Demographic features. Government of Orissa. Archived from the original on 2008-04-22. Retrieved on 2008-10-09.
Suglung palual
- Official Website of the State Government of Orissa
- Official Website of Orissa State Tourism Archived Mayu 28, 2014 at the Wayback Machine
Orissa travel guide from Wikivoyage