Martin Luther King Jr.
I Martin Luther King Jr. (míbait yang Michael King Jr.; 15 ya ing Enero January 1929– 4 ya ing Abril 1968) métung yang Americanung ministrung Baptist, activista, ampóng filosofong pang-politica a métung karéng píkabaluan a pékapun king pangimut pára king katulírang civil o pang-mémalén (civil rights movement) manibat 1955 anggang pété dé anyang 1968. Métung yang pékapun king pisamban at anak né ning minúnang activista pára king katulírang pang-mémalén, i Martin Luther King Sr., Piglában néng King ing katulírang pang-mémalén pára karéng táung é-maputî king Estados Unidos kapamílatan ning parálan a é-violenti ampóng é-pámamintung civil (civil disobedience). Mírínan yang díwâ king kayang paniwálang Cristianu ampó ing é-violenting activismo nang Mahatma Gandhi, at ménimúná ya king é-violenting pámaglában karéng leyi ó batas a Jim Crow (leying pápalyári king pámikawaní da réng lahi) ampó réng áliwang clasing discriminacion king Estados Unidos.
| Martin Luther King | |
 I King anyang 1964 | |
| Mibait | 15 ya ing Enero 1929 Atlanta, Georgia, Estados Unidos |
|---|---|
| Mete | 4 ya ing Abril 1968 (edad 39) Memphis, Tennessee, Estados Unidos |
| Libingan | Martin Luther King Jr. National Historical Park |
| Kapanintunan/propesion | ministrung Baptist, activista, filosofong pang-politica |
| Asawa | Coretta Scott (m. 1953) |
| Ának | Yolanda, Martin III, Dexter, Bernice |
| Signature | |
 | |