Martiliu

Ing martiliu (‘’hammer’’ king Ingles) kasangkapan yang pamukpuk kareng bage. Ing karaniwan a gamit na niti, ila pin deng pámukpuk páku, pamilapat kareng dake da reng gamit, ampong pamaglasak o pamangalag kareng bage. Keraklan, megawa la para king partikular a gamit deng martiliu, at miyayaliwa la tabas ampong pangabalangkas. Keraklan, bibilugan ne ning pulu o talanan ampong buntuk ing martiliu, nung nu atyu king buntuk ing keraklan king bayat na niti. Paganan ya king gamat ing pekasimpling diseniu, pero atin muring modelung de makina para kareng mangabayat a obra.

Paintunan me ing hammer king
Wiktionary, ing timawang diccionariu.

Metung a makabayung martiliung de kabra

Ing maritiliu ing pekamaulagang kasangkapan kareng dakal a obra o propesion, at malyari ya muring gamitan anting sandata. Mapalyaring iti ing matuang diling kasangkapan ning tau.

Amlat

Kanita pang manga 2,400,000 BCE (maigit aduang miliung banua Bayu i Cristo), gagamitan da no reng batung miyayaliwa tabas king pamamukpuk king dutung, butul ampo kareng aliwang batu, king pamamirasu kareti, ampo king pamandukit kareti. Gagamitan da la reng batung makatuglung kareng taiktik (stick) kapamilatan da reng mangakabang pirasung balat o litid animal kanita pang atlung libung banua Bayu i Cristo (30,000 BCE) aniang libutad ning Paleolithic Stone Age.

Diseniu ampong pamiyaliwa-liwa

Ing pekamaulagang dake ning martiliu ya pin ing buntuk, metung a siksik a pirasung malyaring pamukpuk ketang bageng sukat turan, a e madidisporma.

Deng maralas dang gagamitan a martiliu ila pin deng makatuki:

• deng martiliu da reng aluagi o karpinteru, (a gagamitan da king pamamaku), anti ing framing hammer ampo ing martiliung de kabra (claw hammer)
• upholstery hammer
• martiliung gagamitan king pamanikdong bale (construction hammers) kayabe ne ing masu
• drilling hammer - metung a masung mayan ampong makuyad talanan
• martiliung de bola (ball-peen hammer), or martiliung pang-mekaniku (mechanic’s hammer)
• cross-peen hammer, o Warrington hammer
• mallets, including the rubber hammer and dead blow hammer.
• Splitting maul
• stonemason's hammer
• Geologist's hammer o rock pick
• lump hammer, o club hammer
• gavel, a gagamitan da reng ukum ampong reng opisial a mamuntukan
• Tinner's Hammer

• 
  Martiliung de kabra
• 
  Framing hammer
• 
  Geologist's hammer
• 
  Upholstery hammer
• 
  Cross-peen hammer
• 
  Martiliung de bola
• 
  Rubber mallet
• 
  Wooden malieti

Keraklan, aliwa la itsura deng martiliung de makina kareng kasangkapang gamat, dapot gagana la king metung mung prinsipiu. Kayabe la kareti deni:

• jackhammer
• steam hammer
• trip hammer
• hammer drill, metung a kombinasiun ning piesang balamu jackhammer ampong barena

Kareng aluaging gagawang kuadru, lalu na kareng masulung a bangsa, alus miyalilan ne king nail gun ing martiliu. King propesiun namang upholstery, ing staple gun naman ing kakumpitensia ning martiliu.

Deng kasangkapan a magagamit kayabe ning martiliu

• Woodsplitting wedge - pupukpukan yang masu ba yang mabangal ing dutung.
• Woodsplitting maul - can be hit with a sledgehammer for splitting wood.
• Masonry star drill
• Pat
• Punch
• Pandayan (anvil)

Suglung palual

• Hammer types Archived Juliu 2, 2009 at the Wayback Machine images and descriptions.
• The Hammer Museum The world's only museum about the place of the hammer in human history.

Ing Wikimedia Commons atin yang mediang maki kaugnayan kang/king:

Hammers