Manny Pacquiao

Manny Pacquiao
Career Snapshot
Born	Disiembri 17, 1978
Died
Total Fights	65
Won	57
Lost	6
Draw	2
No contest	0
Knockouts	34
Titles Won	WBC International Super Featherweight Title RING Featherweight Title IBF Super Bantamweight Title WBC Flyweight Title

Y Emmanuel "Manny" D. Pacquiao (mibait Disiembri 17, 1978), aka "Pacman" ampong "The Destroyer" iya ing kasalungsungan WBC International Super Featherweight Champion (2005–present), dati RING People's Featherweight Champion (2003 to 2005), dati IBF Super Bantamweight Champion (2001 to 2004), ampong dati WBC Flyweight Champion (1998 to 1999). Atin yang talang 41 a panyambut, 3 mesmbut, at 2 tabla, deng 34 a panyambut a knockout o apatudtud nala.

Talambye

Y Pacquiao mibait ya king lalawigan ning Bukidnon king Filipinas.

Apagsubukan

Ing boxingeru, a taga General Santos Lakanbalen, Filipinas a kebaluan mu rin bilang "The Destroyer" kareng kayang kayabe keng boxing. Inari no reng kayang laban kapamilatan ning kayang tumbuk keng kailing gamat.

Ing 27 banuang idad a Pacquiao megumpisa yang keng professional boxing inyang 1995 keng 106 libra. Miatas ya timbang manibat 106 anggang 113 pounds bayu ya mesambut king pang12 nang laban kang Rustico Torrecampo kapamilatan ning pang3 round technical knockout. Kaibat ning laban na kang Torrecampo, y Pacquiao minablas ya king 112 libra. at simbut ne ing WBC Flyweight title at mesambut ya rin king kayang kaduang depensa laban kang Medgoen Singsurat kapamilatan ning third round knockout. Meyakua ya kaya ing sinturun (belt) uli ning eya miras ketang timabang a 112 lb (51 kg).

Kaibat ningpangasambut an kang Singsurat, y Pacquiao migpatas ya timbang at miras ya Super Bantamweight division a 122 lb (55 kg) nung nu ne ikua ing WBC International title, at sinikap neng limang beses bayu dintang ing kayang world title fight. Ing maragul a break nang Pacquiao dintang inyang Juniu 23, 2001, laban kang IBF Super Bantamweight champion Lehlohonolo Ledwaba. Y Pacquiao penalili diya mu at katatalian ya ing mekoronang IBF Super Bantamweight champion. Y Pacquiao miniscore yang atlung pabagsak bayu mitkunang ing laban inyang panglimang round.

Manny "Pacman" Pacquiao posing with the WBO title after knocking out Jessie Vargas in Mack Center in Las Vegas, Nevada.

Y Pacquiao simbut ne y Erik Morales kapamilatan ning TKO ken kayang rematch inyang Eneru 21, 2006 king Las Vegas at Thomas and Mack Center, United States. Y Pacquiao mebigsu na niya mu anakbag y Morales inyang round 2 at kinatug yu tud y Morales inyang panganam a round. Y Pacquiao apatudtud ne y Morales aduang beses inyang pang10 round at mituknang inyang 2:33. Ini ineg pekamumunang beses y 29 banuang Morales, dati world champion king atlung klasing timbang, a mituknang king kayang career. King kayang panyambut y Pacquiao iya ngeni ing pekamatas diling contender ning WBC superfeatherweight at malyari na neng akayarap y Marco Antonio Barrera pasibayu keng WBC Belt. Atin pagasang mika-pangatlung laban kang Morales oneng ing bukas e masala.

Ding suglung a palual

• Manny Pacquiao's boxing record
• Manny Pacquiao Fan Site, with news and photos
• Manny Pacquiao vs. Eric Morales II video - Jan. 21, 2006 Archived Pebreru 5, 2006 at the Wayback Machine