Katunggal
| Katunggal | ||||||||||||
|---|---|---|---|---|---|---|---|---|---|---|---|---|
 | ||||||||||||
| Scientific classification | ||||||||||||
| ||||||||||||
| Binomial name | ||||||||||||
| Proiphys amboinensis Herb. |
Ing katunggal ó San Jose (Proiphys amboinensis, syn. Eurycles amboinensis) pékilagyú dé king isla ning Amboina, a ngeni Ambon, king Indonesia. Kayábé la karéng karaníwan nang lagyú king Ingles déng Cardwell Lily ampóng Northern Christmas Lily (úling kéraklan manga Pascu karin ya mániampága). Mayayákit ya king Mauli-Aslagang Asia, king Indonesia, ampó king Australia manibat king Cape York angga king Kalibudtang Queensland.
Kápad na ing kakéwan ó gúbat a makabuklat ampóng masalílung bagyâ. Mabilis yang tútúbû karatang ning káuran, at mikaka bulung yang álus mangabílug, at déti, mitutukyan lang mangasanting a sampágang maputî ampóng mabanglu, at maki dilóng bátal (throats). Maygit lang 25 cm kábâ déng mangáragul nang bulung, a maki sangá lang bulung (leaf stem) a miraras 46 cm king kábâ. Manga 5 cm la lápad déng kayang púrung mangaputing sampága, at anggá lang 18 deng abé-ábé karéng sanga nang miraras 46 cm king kábâ. Kéraklan, malilyári ing pámanyampága da néng Kapascuan, at iti tutukyan na ning pámaglual da réng capsule a bérdi anggang manuling-nuling (blackish) a maki lápad a 25–30 mm. Malalánat la réng bulung néng kaléldo.
Daléráyan
mag-edit- Beasley, John. 2006. Plants of Tropical North Queensland: the Compact Guide. Footloose Publications, Kuranda. ISBN 1-876617-13-6.
- Fay, Michael F. and Mark W. Chase. "Resurrection of Themidaceae for the Brodiaea alliance, and Recircumscription of Alliaceae, Amaryllidaceae and Agapanthoideae." Taxon, Vol. 45, No. 3. (Aug., 1996), pp. 441-451.
- Scarth-Johnson, Vera. 2000. National Treasures: Flowering Plants of Cooktown and Northern Australia. Vera Scarth-Johnson Gallery Association. ISBN 0-646-39726-5 (pbk.) ISBN 0-646-39725-7 Limited Edition - Leather Bound.