Ing Filipinung menikuang dakal a galal keng pamag-animate ikua no pamagmananu deng dayu ampong Filipinu keng kapilan pamung pang60 a Banuabanuang Creative Arts Emmy Awards nung nu tinanggap yang Emmy trophy king kayang obra keng animated program.

JESS ESPANOLA
Kapanintunantalagulis

Kapampangan la reng penibatan nang Jess Espanola. King lalawigan ning Pampanga karin la ring kayang pipumpunan. Iya ing kaduang director para keng "The Simpsons: Eternal Moonshine of the Simpson Mind" nung nu iti ing metunggeng outstanding animated program keng mesabing galal inyang Septyembre 13, 2008.


Agpang kareng Filipino expatriates king US, i Espanola ampong deng aliwang matas a opisyalis ning animated production meparangalan la naman ketang kapagmasusian. Agpang kang David Casuco, a metung a Filipinu expatriate a talapamalita king United States sinabi na i Espanola, a meyaring Fine Arts degree king University of the Philippines, iya ing mumunang Filipinung mekatanggap a Emmy Award.

"I Jess makasake ya keng taluktuk ning pangmaldang karangalan, nung nu iti papaltutu na ing karaniwan a bantug la reng Filipino animators a ila deng pekabiasa king Hollywood,"" agpang kang Casuco.

"Dakal ka reng Filipinu talalang ila reng matenakan keng indutriang animation. Sabi nang Espanola na, masuerti ya at megobra ya kareng Simpsons," agpang kang Casuco.


I Espanola, mirinan yang permanent US residency status bilang "taung a atin a epangkaraniwan a kagiwan, " at atin yang kaparang a masanting a talambie.

Peparagul ne ing magdilidiling Ima keng karinan a pakakalulu king balen ning Lubao, i Espanola ginamit ne ing kayang kagiwan keng pamaglalang para milabas la keng danup.

"Denasan ku ing tutung danup inyang malati ku ngana. Keraklan alang pamangan keng lamesa. Neng misan isipan ku namung mengan na ku, masakit ing bie, nganang Espanola.

Ing makapagmulala, agiang ing biung ning angin laban kaya, i Jess ikua na pang matas diling akakuang gradu keng kayang clasi, deng malda at deng taung megumpisa lang sosopan de inyang amanan dang ating yang epangkaraniwan a kagiwan ing anak. Iya ing pane manikuang matas a gradu inyang high school at menikua yang scholarships inyang atiu University of the Philippines.

Inyang i Hanna Barbera telakad ne Fil-Cartoon, Inc., ing kayang sanga king atiu Pasig, Metro Manila, mirinan yang obra bilang team supervisor ampong manimunung animator. Ding kayang obra, meging lang at ila pa murin deng tutukian da bilang matas a uring gawa karas keng Filipinung animation.

I Espanola at ing kayang familia minalis la Los Angeles, California inyang 1994. (IOF)

 Ing artikulung iti tungkul king tau, lugal o bageng maki kaugnayan king Kapampangan metung yang suli. Maliari kang sumaup keng Wikipedia kapamilatan ning pamandagdag o pamisusug kaniti.
 Ing artikulung iti tungkul king tau, lugal o bageng maki kaugnayan king Kapampangan metung yang suli. Maliari kang sumaup keng Wikipedia kapamilatan ning pamandagdag o pamisusug kaniti.