Guido ning Arezzo

I Guido ning Arezzo o Guido Aretinus o Guido da Arezzo o Guido Monaco o Guido d'Arezzo (991/992–kaybat ning 1033) metung yang teorista ning musika ning Edad Media (Middle Ages). Tuturing deng imbentor ning modernung sistema da reng nota a menalili ketang sistemang w:neume. Kadua yang pekalaganap a obrang mag-isplika king musika itang libru nang Micrologus ketang panaun na, at kakadua ya mu kareng sinulat nang Boethius.

Ing istatua nang Guido king Arezzo

Ing imnu kang San Juan Bautista, ing Ut queant laxis

Metung yang mongha ning orden a w:Benedictine a ibat king siudad-bangsa (city-state) ning Arezzo I Guido. Agpang king bayung pamanyaliksik, misulat ya kanitang 1025 o 1026 ing Micrologus. Uling sinabi ne ketang metung nang sulat a treinta i kuatru (34) ya anyang sinulat ne iti, paniwalan dang kanitang 991 ya o 992 mibait. Anyang mumuna, kunektadu ya king monasteriu ning Pomposa king pampang a Adriatic malapit king Ferrara. Anyang manuknangan ya karin, apansinan nang magkasakit lang magmemoriang w:Gregorian chant deng magkanta. Mekaisip yang paralan ba lang iturung la reng magkantang malaguang paralan ba lang tandanan deting chant, at gad yang sinikat king pangulu ning Italia. Nanupata, mimua la kaya deng aliwang mongha king monasteriu, anya minalis ya king Arezzo. Ala yang monasteriu ing balen a ita, oneng dakal ya magkantang mangailangang turu at magsane karela.

Anyang ati yu Arezzo, mekagawa yang bayung paralan ning pamanuru, alimbawa ing staff notation ampo ing solfeggio (ing penibatan ning sukad (scale) a "do-re-mi", a menibat kareng mumuna rang silaba deng mumunang anam a gulis a pangmusika (musical phrases) ning mumunang telatag (stanza) ning imnung Ut queant laxis).

Ing bale nang Guido

Kalagyu ne muring Guido ing GUIDO Music Notation, metung a sistema ning pamanyulat da reng piesa (musical score) king computer.

Lon la murin deti

• Solfege
• Guidonian hand
• Gamut (music)
• Hexachord

Pikuanan

• Claude V. Palisca: "Guido of Arezzo", Grove Music Online ed. L. Macy (Accessed July 14, 2005), (subscription access) Archived Mayu 16, 2008 at the Wayback Machine
• Richard H. Hoppin, Medieval Music. New York, W.W. Norton & Co., 1978. ISBN 0-393-09090-6

Suglung palual

Pakiramdaman me ining artikulu (info/dl)

noicon

Spoken Wikipedia

Melalang ya ining simpan a katning (audio file) maki petsang 2005-07-13, at e la makasalamin keti deng mas tawling pamagbayu king artikulu. (Audio help)

Karagdagang siwalang artikulu

• Guido of Arezzo at The Catholic Enyclopedia.
• Horace's Odes and the Mystery of Do-Re-Mi Archived Pebreru 27, 2009 at the Wayback Machine - an argument that the sol-fa mnemonic was derived from the Ode to Phyllis, by Stuart Lyons. (Also in print ISBN 978-0-85668-790-7)