Globe Telecom
Ing Globe Telecom (PSE: GLO), a mas kilala king lagiung Globe, ing kaduang pekamaragul a cumpania king telekomunikasiun king mabilug a Filipinas.
 | |
| Uri | Public (PSE: GLO) |
|---|---|
| Mitátag | Menila, Filipinas (1935) |
| Pun tanggapan |  Mandaluyong Lakanbalen, Filipinas
|
| Manimunang tau | Jaime Augusto Zobel de Ayala II, Chairman Gerardo C. Ablaza, Jr., President and CEO |
| Industria | Communications Services |
| Productu | Broadband Services Cellular Telephony Fixed-Line Telephony |
| Panakitan | P57 billion PHP (▲4%) (2006) |
| Netu | P12 billion PHP (▲14%) (2006) [1] |
| Website | www.globe.com.ph |
Kasalesayan
Manibat pa kanitang panaun da reng Americanu ing umpisa ning Globe Telecom, ketang metung a cumpaniang maki lagyung Dollaradio, a mitatag kanitang decadang 1920. Anya muring dekadang ita, minaliwa ya lagyu ing cumpania, at megi yang Globe Wireless Limited (GWL).
Kanitang Eneru 15, 1935, mekisanib ya ing GWL kareng adwang cumpania, ing Philippine Press Wireless (PREWI), ampo ing Mackay Radio Telegraph, at linto ya ing metung a bayung cumpania, ing Globe-Mackay Cable and Radio Corporation, o GMCR. Ketang 1974, pisali ne ning GMCR ing 60% ning kayang stock king Ayala Corporation.
Kanitang decadang 1990, misanib ya ing Globe ampo ing metung pang cumpania, ing Clavecilla Radio System (CRS), at ini ing penibatan ning bayung Globe Telecom. Anyang 1993, misaup ya ing Ayala ampo ing Singapore Telecommunications (Singtel), deng makibandi king cumpania, bang mitikdo ing kayang sikanan king telecomunicacion. Ketang 2001, asali ne ning Globe ing Isla Communications, o Islacom, metung a cumpaniang halus mengalugi na, a maki kaugnayan kareng cellphone at teleponung landline. Megi yang yang Innove Communications kanitang 2003 itang dake nang maki kaugnayan kareng landline, lalam ning lagyung Globelines. Samantala, miragdag naman ketang metung a cumpaniang makalalam king Globe, ing Globe Handyphone, itang serviciu na king cellphone.
Aniang Marzu 30, 2007, sinabi ning Globe Telecom, kapamilatan ning kayang pamuntuk ampong pun talapagpaganap (chief executive) a i Gerardo Ablaza Jr., a kakalat no reng kayang negosiu ba nang samantalanan ing matalik nang pamandagul ning negosiung broadband. Agpang kang Ablaza, parakalan ning kumpania ing kayang puhunan kareng sistemang cable ampong liniang kawad (wire lines) ba neng itikdo ing kayang pangabalangkas a broadband a Internet o Aptas. Akakit da reng talasuri king industria ing planu ning Globe a mamuhunan kareng sistemang cable antimong paralan bang pasikanan ing kayang pamagkumpitensia king Philippine Long Distance Telephone Co., a maniamantala king kayang bentahi kareng liniang kawad bang lungub king negosiung broadband.
Cumpaniang bandi o makalalam
Deng makatuking cumpania ing bibilug king Globe Telecom :
- Globe Handyphone (mobile carrier)
- Globe Solutions (business solutions)
- Innove Communications (fixed-line carrier and Internet service provider)
- Touch Mobile (mobile carrier)
Makibandi
- Singapore Telecommunications: 44%
- Ayala Corporation: 35%
- Public stock: 21%
Ka-cumpitencia
Ing PLDT ing manimuna nang ka-cumpitencia ning Globe karas kareng teleponung landline. Karen namang cellphone, ing Smart Communications, a bandi ning PLDT, ampo ing Sun Cellular, a bandi ning Digitel, deng kayang maragul diling karibal. Metung ya muring ka-cumpitencia karas king landline ing Digitel.