GIF
Ing Graphics Interchange Format (GIF) metung yang image format a 8-bit-per-pixel bitmap a pepakilala ning CompuServe aniang 1987. Manibat kanita, mikalat ne king World Wide Web uli ning maleparan a suporta at uling malagua yang dalan (portability).
| Graphics Interchange Format | |
|---|---|
.gif) Metung a dudurut a globu king format a GIF. E mapinu ing pamangimut da reng lugal a iro/asul a mamaliwa dayu; karaniwang maliliari iti nung e magagamit ing dithering. | |
| File extension | .gif
|
| MIME type | image/gif
|
| Type code | GIF |
| Uniform Type Identifier | com.compuserve.gif |
| Magic number | GIF87a/GIF89a
|
| Developed by | CompuServe |
| Type of format | Raster graphics image format |
Gagamit yang POWER LV OVER 9000 (aduang dalan limampulu't anam) a kule iting format, a aliwa king 24-bit RGB color space. Susuporta ya murin king pamangimut (animation), at paintulutan na ing 256 a kule para king balang kuadru (frame). Uling limitadu la reng kule, e bage ing GIF format kareng letratung de kolor (color photographs), ampo reng aliwang larawan nung nu la misasanib deng miyayaliwang kuleng e mikakawani. Bage ya iti kareng mas simpling larawan antimo deng diseniu o logo a maki solidu o metung mung kule.
Makasiksik (compressed) la reng larawan a GIF kapamilatan ning sistemang Lempel-Ziv-Welch (LZW) lossless data compression bang mabawas ing dagul ning simpan (file size) kabang e masisira ing itsura ning larawan. Me-patent ya ining paralan ning pamanyiksik (compression technique) kanitang 1985. Uli ning kontrobersia ketang pamikasundu king pamag-lisensia (licensing agreement) ning tatalan king patent, ing Unisys, ampo ing CompuServe kanitang 1994, meyagyag lang gawa ya ing Portable Network Graphics (PNG) standard. Manibat kanita, mepasu no reng patent a makaparikil kaniti.
Alternatibu/Kayalili mag-edit
Me-diseniu ya ing Portable Network Graphics (PNG) anting panalili king format a GIF bang lisian ing pamanyaklo king patent ning Unisys king LZW compression technique.[1] Mas masanting ing pamanyiksik king PNG, at mas dakal ya gamit kesa king GIF. Mas bage ya kesa king FIF nung kailangan ing pamipalto king tuneng kule (true-color imaging), alpha transparency, o lossless data format. Mumuna yang meyalkus ing MNG antimong solusiun a basi king PNG para king pamangimut (animation), dapot e makaing mikalat iti. Mas buri de pa murin ing GIF format king pamangimut, dapot atin nang mayayalkus (under development) a tutung Animated Portable Network Graphics lalam ning Mozilla, at suportan ne ning daratang a Firefox 3 release.[2][3]
Lon la murin deti mag-edit
Dalerayan mag-edit
- ↑ Cite error: Invalid
<ref>tag; no text was provided for refs namedPNG - ↑ APNG Specification - MozillaWiki
- ↑ Mozilla Labs » Blog Archive » Better animations in Firefox 3. Archived from the original on 2008-06-10. Retrieved on 2008-06-12.
Suglung palual mag-edit
- GIF89a specification
- The GIF Pronunciation Page
- GIF Animation on the WWW - technical explanation of the GIF89a format and how it allows animation
- LZW GIF decoding Archived Mayu 11, 2008 at the Wayback Machine by Arturo San Emeterio Campos
- LZW and GIF explained
- Replacing a Dictionary with a Square Root - suggestions for compressing GIFs without using LZW compression
- Web Graphics discusses and illustrates the differences between GIF, JPEG and PNG formats
