Excretion
Ing excretion, metung yang prosesung biological nung nu lalako no ning metung a mabibye deng dinat king kayang katawan. Kaybat, lulwal no deti king kayang katawan kapamilata’ning elimination o pamagbawas.
Alimbawa, kareng mammal, deng adwang pekamaulagang prosesu ning excretion ila pin deng pamangawang î (imi o urine) kareng batu, ampo ing pamanalto ning carbon dioxide kareng baga. Midadayû la reting waste products kapamilata’ning [[:en:urination|pamanî] ampong respiration. Metung ya pang prosesu ning excretion ing pamipawas, a mangidayu king asun ampong danum, agyang ing pamagparimla ing manimuna nang gamit.
Metung yang karaniwan a pamagkamali itang ing dinat (takla) bunga ne kanu ning excretion. Nanupata, e na kalupa ning î, e makukwa king pupulayan ning daya iti, at e ya kayabe king metung a prosesung metabolic.
Kareng insektu, metung yang sistema nung nu la kayabe deng Malpighian tubule ing magagamit ba yang ilwal ing dinat ibat king metabolism. Mag-diffuse ya o midadala ya papunta king tubule kapamilatan ning active transport papunta king tubule, a magdala naman kareti kareng bituka. Kaybat, milulwal ya iti king katawan kayabe ning dinat (takla).