Evo Morales

Evo Morales
	Evo Morales
	;
President of Bolivia
Kadwang Pamuntuk	Álvaro García Linera
Elilan neng	Eduardo Rodríguez
Mibait	Octubri 26 1959 (idad 65); Isallawi, Bolivia
Partido political	Movement for Socialism
Relihyun	Roman Catholicism

I Juan Evo Morales Ayma (mibait Octubre 26, 1959), a sikat king lagyung Evo (Pangayagkas a Castila: [ˈeβo]), metung yang pulitiku ampong aktibistang Bolivian, a magsilbi antimong Pamuntuk ning Bolivia, pusisyun a tatalnan na manibat kanitang 2006. Pekapun ne mu naman ning Pangimut para king Sosyalismu Movement for Socialism – Political Instrument for the Sovereignty of the Peoples (MAS) ampo ing unyong Cocalero. King kayang pulitika, metung yang pekapun a sosyalista, at ing pundasyun ning kayang pangapamuntuk (presidency) ya pin ing pamanutuk king pangapalyari king pangsa da reng bayung polisiya, ing ing pamipakilala ning metung a bayung punbatas o konstitusyon, reporma king gabun, ing pamanalis da reng miayaliwang manimunang industria king upaya ning kapamahalan, ing pamaglaban king papil ning Estados Unidos king pulitika ning bangsa, ampo ing pamagbawas king kakalulwan.^[1]

Mibait ya king uring talapagobrang pamilyang Aymara king Isallawi, Orinoca Canton, at meragul ya i Evo a sasaup kareng kayang pengari anting metung a ortelanu. E miyari king sekundarya o high school. Migsane ya i Morales king militar lalam ning sapilitang pamagsilbing militar kilub ning pabanwa anggang 1978, at mibalik ya king propesyon ning kayang pamilya, ing pamanasik, at minalis ya kayabe ra king Chapare Lalawigan. Miras ya king pamananam coca, at megi yang aktibu king unyon da reng talatanam coca, ing pangimut a cocalero. Megi yang pikabalwan a aktibista kareng campesino (talapagobra king baryu), at mekilala ya king pamanibala king pamaglaban king tangka ning Estados Unidos a patuknangan ing pamagpatubung coca para king pamangawang cocaine antimong dake ning karelang mas maleparan a "Gera kareng Droga (War on Drugs).

Miras king larangan ning pulitika ing kayang aktibismu. Megi yang pekapun ning MAS, at kapamilatan na niti, miabe ya kareng protesta sosyal antimo ing laban king gas ampo deng Protesta king Cochabamba ning 2000. Parasan ning MAS ing mamye karagdagang upaya kareng komunidad a katutubu ampong pakakalulu ning bangsa kapamilatan ning reporma king gabun ampong pamirake ning pibandyan king gas, at bagya-bagyang meragul ing suporta na kareng alalan.

Miyalal yang Pamuntuk ning Bolivia i Morales anyang Diciembre 18, 2005, kapamilatan ning 53.7% ning botu. Kaybat da reng adwa ampong kapitnang banwa, meragul yang mayap ing kayang mayoria; king recall referendum anyang Agosto 14, 2008, maygit adwang katlu da reng botanti ing migbotung mandatila/manatili ya king pusisyun.^[2]^[3] Sinambut ne naman i Morales king alalang pang-pamuntuk anyang Diciembre 2009 kapamilatan ning 63% ning botu, at sindu na ing kayang kadwang terminu antimong pamuntuk.^[4]

Kritiku ne ning polisiya nang panglual ning Estados Unidos ampo ing papil da reng kumpanyang transnational king Latin America, at metung yang masikan a ka-alyadu da reng kapamahalan a sosyalista nang Hugo Chávez king Venezuela ampong Fidel Castro king Cuba. Anyang Octubre 2009, mepili yang "Pangyatung Bayani ning Indung Yatu" ("World Hero of Mother Earth") i Morales king Pangkabilugang Kapulungan da reng Misasanmetung a Bangsa.^[5]

|- style="text-align:center;" |width="30%" align="center" rowspan="1"|Minuna kaya
None |width="40%" style="text-align: center;" rowspan="1"|Leader of Movement Toward Socialism
1998 – present |width="30%" align="center" rowspan="1"| Menalili kaya
Incumbent |- |}

Template:Evo Morales Template:2005 presidential election candidates, Bolivia Template:Heads of State of the South America Template:Presidents of Bolivia Template:Current ALBA leaders Template:Current UNASUR leaders

↑ http://www.commondreams.org/view/2012/03/21-6
↑ Bolivian President Evo Morales Wins Critical Referendum on His Presidency, Democracy Now!, August 12, 2008
↑ Zaa Nkweta, Morales wins referendum but opposition hits back, Council on Hemispheric Affairs, 26 Aug 2008
↑ Guardian.co.uk - Evo Morales wins landslide victory in Bolivian presidential elections Retrieved on 18 December 2009
↑ "Morales Named "World Hero of Mother Earth" by UN General Assembly", Latin American Herald Tribune. Retrieved on November 15, 2010. Archived from the original on April 21, 2021.

[1] ttp://www.commondreams.org/view/2012/03/21-6

[2] Bolivian President Evo Morales Wins Critical Referendum on His Presidency, Democracy Now!, August 12, 2008

[3] Zaa Nkweta, Morales wins referendum but opposition hits back, Council on Hemispheric Affairs, 26 Aug 2008

[4] Guardian.co.uk - Evo Morales wins landslide victory in Bolivian presidential elections Retrieved on 18 December 2009

[5] "Morales Named "World Hero of Mother Earth" by UN General Assembly", Latin American Herald Tribune. Retrieved on November 15, 2010. Archived from the original on April 21, 2021.

[1]

[2]

[3]

[4]

[5]