Diabetes mellitus

Ing Diabetes mellitus (IPA pronunciation: [daɪəˈbitiz], neng misan[ˌdaɪəˈbitəs]) metung yang sakit keng e pamaglaso ning pengan a ausan dang hyperglycemia o (matas mayumu keng daya) at aliwa pang pawaga, a aliwa keng metung a sakit o kabilyan. Ing World Health Organization kikilalanan do ring atlung tinduk a diabetes: ing type 1, type 2, at gestational diabetes o diabetes inyang manganak, nung nu deng waga kalupa da la at ing uyab na niti, dapot miyayaliwa ing sangkan at pangasalbag keng populasyun. Ing katataulian uli da ring beta cells na ning kundilat (o pancreas) nung nu eya makapalual a ustung dakal a insulin para aiwasan ing hyperglycemia. Ing Tinduk (Type) 1 keraklan uli ning autoimmune a pangasira ning kundilat da ring beta cells nung nu ila reng gagawa keng insulin. Ing Tinduk (Type) 2 ing katangian na ding ing tissue-wide insulin a resistensiya at maragul a pamanaliwa; neng misan kakawalan yang beta cell a gamit. Ing gestational diabetes kalupa ne ing type 2 diabetes, na makaugne ya ing insulin resistance; deng hormones ning mabuktut ilang maging sangkan ning insulin resistance kareng babaing amana da reti kareng karelang pipumpunan a maka-akda lang mika makanyan a kabilyan.

Para the disease characterized by excretion of large amounts of very dilute urine, lon me ing diabetes insipidus. Para diabetes mellitus in pets, lon me ing diabetes in cats and dogs.

Deng Type 1 at 2 malyari lang uluan ing karelang chronic a kabilyan, dapot mayuyulu la kanita manibat ing insulin meging yang pangmedicina inyang 1921, at ngeni panibalan de kapamilatan ning piyabeng dieta, tabletas (keng type 2) at, maralas, pamandagdag insulin. Ing gestational diabetes keraklan mawawala ya potang kaibat ning pamanganak.

Ing Diabetes malyari yang muli keng dakal a complicasyun. Acute complicasyun (hypoglycemia, ketoacidosis o kaya nonketotic hyperosmolar coma) malyari nung ing sakit e ya meyasikasung masalese. Seriosung pangmaluatan a complicasyun kayabe la deng cardiovascular disease (doble ing kapalyarian), chronic renal failure (diabetic nephropathy iti ing peka sangkan ning dialysis kareng mealkus a yatung mangatua), retinal pangasira (nung nu maging sangkan ning pangabulag at ing pekasangkan ning pangabulag ding e masyudaung mangatua kareng menga-alkus a yatu), nerve pangasira (dakal a miyayaliwa), at microvascular a pangasira, nung nu ing ari enesisyas o (titikdo) at mainang pangayulu, lalu na deng bitis, miras keng ausan dang gangrene nung nu mangailangan pututan ya ing bitis — ing mumunang sangkan da reng non-traumatic amputation kareng e masyadung mangatua kareng meyalskus a bangsa. ustung pamanulu ning diabetes, at makanyan mu rin keng ustu pamaningat keng prisyun keng daya at pamaningat keng bie (kalupa na ning e pamanigarilyu at maustang pamaningat keng timbang ning katawan), mapalyaring salese ka laban kareng mengasabing complicasyun.

Lawen ya rin

• Tala da reng katayang kayanib keng diabetes

Suglung Palwal

• World Diabetes Day - Nobiembri 14
• DiabetEase Magazine Archived Disyembri 13, 2017 at the Wayback Machine
• Diabetes Center Philippines
• American Diabetes Association
• Diabetes Australia-NSW
• Canadian Diabetes Association Archived Eneru 12, 2021 at the Wayback Machine
• Diet, Nutrition and the prevention of chronic diseases (including diabetes) by a Joint WHO/FAO Expert consultation (2003) - Summary by GreenFacts.
• Centers for Disease Control Diabetes Section
• Diabetes UK
• Diabetes
• Diabetes Health Institute Archived Juliu 8, 2007 at the Wayback Machine
• Diabetes Institute for Immunology and Transplantion
• The Iacocca Foundation Archived Nobyembri 11, 2007 at the Wayback Machine
• The Immunology of Diabetes Society Archived Eneru 19, 2007 at the Wayback Machine
• International Diabetes Federation
• Juvenile Diabetes Research Foundation
• MedlinePlus Diabetes from the U.S. National Library of Medicine
• National Diabetes Education Program
• National Diabetes Information Clearinghouse Archived Eneru 15, 2007 at the Wayback Machine
• World Health Organization fact sheet on diabetes
• World Health Organization—The Diabetes Programme