Dagis sungsung
Deng dagis sungsung (Guinea pig o cavy king Ingles) rodent (kamaganak da reng dagis) lang kayanib king familiang Caviidae ampo king genus a Cavia. Lipat ning karelang lagyu, e la ibat China (“sungsung”) deti. E la murin ibat Guinea, at e ro malapit a kamaganak deng babi. Menibat la reti king kabundukan ning Andes king Mawling America (South America). Agyang e no mayayakit king ilang (“in the wild”), atin la pa muring kamaganak a species deti a mabibye kareng madikut a patag ampong plateau (matas a patag) ning labwad a ita.
- Para keng aliwang gamit, lawen ye ing Dagis sungsung (disambiguation).
| Dagis sungsung | ||||||||||||||||||
|---|---|---|---|---|---|---|---|---|---|---|---|---|---|---|---|---|---|---|
.jpg) | ||||||||||||||||||
| Scientific classification | ||||||||||||||||||
| ||||||||||||||||||
| Binomial name | ||||||||||||||||||
| Cavia porcellus (Erxleben, 1777) | ||||||||||||||||||
| Synonyms | ||||||||||||||||||
|
Mus porcellus |
Maulaga ing papil ning dagis sungsung king cultura dang balen deng tubung grupu (indigenous groups) ning Mawling America, anting metung a pikukwanan pamangan ampong gagamitan king tradiciunal a pamanulu ampo karang ceromonias a pang-relihiun .[1]
Kareng sociedad ning Albugan (Western societies), sinikat ya ing dagis sungsung antimong metung a sese manibat anyang dela re deng negocianting ibat Europa kanitang kalabing-anam (16th) a siglu. Uling matunud la reti, at malugud kareng tatalan ampong papakan karela, at malagwa lang sesen, angga ngeni, dakal la pa reng mahilig manyese kareti. Ating aguman (organizaciun) a mitatag king mabilug a yatu para king pamanyese kareti para kareng ligligan (competitive breeding). Dakal lang uring (variety) dagis sungsung, a myayaliwa kule ampong itsura, deng sesesen da reng propesional a magparakal kareti.
Lon la murin deti mag-edit
Footnote mag-edit
- ↑ Morales, Edmundo (1995). The Guinea Pig : Healing, Food, and Ritual in the Andes. University of Arizona Press. ISBN 0-8165-1558-1.
Pikwanan mag-edit
- Morales, Edmundo (1995). The Guinea Pig : Healing, Food, and Ritual in the Andes. University of Arizona Press. ISBN 0-8165-1558-1.
- Richardson, V.C.G. (2000). Diseases of Domestic Guinea Pigs, 2nd edition, Blackwell. ISBN 0-632-05209-0.
- Terril, Lizabeth A. (1998). The Laboratory Guinea Pig. CRC Press. ISBN 0-8493-2564-1.
- Vanderlip, Sharon (2003). The Guinea Pig Handbook. Barron's. ISBN 0-7641-2288-6.
- Wagner, Joseph E. (1976). The Biology of the Guinea Pig. Academic Press. ISBN 0-12-730050-3.
Suglung palwal mag-edit
| Ing Wikispecies atin yang informaciun tungkul king: Cavia porcellus |
| Ing Wikibooks atin yang libru tungkul king paksang |
