Carlo Rovelli
I Carlo Rovelli (mibait 3 ya ing Mayo 1956) métung yang Italianung físico teórico (theoretical physicist) ampóng talasúlat a mégóbra king Italia, Estados Unidos ampóng, manibat anyang 2000, king Francia.[1] Ya múrin ing salukúyang Distinguished Visiting Research Chair king Perimeter Institute,[2] ampóng core member né ning Rotman Institute of Philosophy of Western University.[3] Kéraklan atiu king paksang quantum gravity ing kayang pánigóbran, at ya ing mítátag king teoriang loop quantum gravity. Ménigóbra ya múrin king kasalésáyán na ampóng filosofía ning ciencia. Mákiugnáyan ya múrin karéng pilang diariung Italianu, kayábé la réng cultural supplement ning Corriere della Sera, Il Sole 24 Ore ampó ing La Repubblica. Minúán yang míbulalag ing kayang librung popular science, ing Seven Brief Lessons on Physics, king Italianu anyang 2014. Mílíkas né karéng 41 amanu[4] at métung nóng miliung copia déng mísalí king mabílug a yátu.[5] Anyang2019, inábé né ning magasin a Foreign Policy king listaan da réng dinálan a ma-influenciang díling talaísip king yátu.[6]
- ↑ Resume.
- ↑ ú Facultypage.
- ↑ Faculty.
- ↑ List of literary works by number of translations
- ↑ Carlo Rovelli (2017-07-25). Carlo Rovelli: 'I felt the beautiful adventure of physics was a story that had to be told'.
- ↑ 2019 Global Thinkers. Foreign Policy (2019-01-12).
| Carlo Rovelli | |
.jpg) I Rovelli anyang 2017 | |
| Mibait | 3 ya ing Mayo 1956 (edad 67) Verona, Italia |
|---|---|
| Kapanintunan/propesion | Físico teórico (theoretical physicist), talasúlat |
| Signature | |
 | |