Batúng kaliús

[[File:

Ing libutad ning pepakintab a megiling pirasu ning batúng kaliús ibat king Arizona. Nung paragulan ya ing larawan, maliari lang akit deng bisbusan da reng insectung mebieng manga 230 miliun a banua ing milabas, aniang tauli nang dake ning panaung Triassic

Trosung batúng kaliús o petrified log king Petrified Forest National Park

Pepakintab a batúng kaliús

Pepakintab a pirasu ning batúng kaliús

Deng trosung batúng kaliús

The outline of cells visible in a segment of petrified wood

|thumb|right|Ing gulis-balangkas o outline da reng cell a makalto king kapirasung batúng kaliús]]

Ing Batúng kaliús, o petrified wood king Ingles (ibat kareng katayang "batú" ampong "kaliús", metung a uri ning pun dutung, ing Streblus asper), metung yang clasing fossil: bibilugan ne ning fossil a dutung nung nu deng eganaganang sangkap a organicu, miyalilan lang mineral (keraklan metung a silicate, antimo ing quartz), kabang manatili ing orihinal o sadiang pangabalangkas ning dutung. Maliliari king lalam ning gabun ing procesu ning pamanalili king batú o petrifaction. Mitatambunan ya king lalam ning palák (sediment) ing dutung, at king umpisa, e masisira iti uling king kakulangan ning oxygen. Magdalang mineral kareng cell ning tanaman ing danum a dakal melasong mineral, at kabang malalaso la reng lignin ampong cellulose ning tanaman, ating molding gawá king batúng lalto king lipat da reti.

Keraklan, mági yang batúng kaliús ing dutung kilub ning dinalan (100) a banua. Kailangan nang ma-petrify ning sangkap a organicu bayu ya laganas a malaso.

Mirinan yang miayaliwang kule ing batúng kaliús uling kareng elementung manganese, bakal ampong tangsu king danum kabang maliliari ing procesu ning petrifaction. Ala lang kule deng purung cristal a quartz, dapot nung ating misasamut a aliwang sangkap, mikaka kule lang dilo, malutu o aliwa pa deng cristal.

Ing makatuki lista de reng elementung misasamut (contaminating elements) ampo deng kuleng bibie da reti:

• carbon - matuling
• cobalt - aluntian/iro (azul)
• chromium - aluntian/iro (azul)
• copper - aluntian/iro (azul)
• iron oxides - malutu, komanggi (brown), ampong dilo
• manganese - malare (rosas o pink)/dalandan
• manganese oxides - matuling/dilo

Malalakuan king batúng kaliús ing orihinal nang pangabalangkas o istructura ning dutung, pati na ing sabla nang detalle, angga king lebel a microscopic. Maralas lang mayayakit deng dake antimo deng tree ring ampo reng miayaliwang tissue.

Maki Mohs hardness yang 7 ing batúng kaliús, kapareu ning quartz.

Ing batúng kaliús ing batu nang panlalawigan ning Alberta, ampo ing iyas nang pang-estadu ning Washington.

Lon la murin deti

• en:Petrified palmwood
• en:Araucarioxylon arizonicum
• en:Petrified Forest of Lesvos

Suglung palual

Ing Wikimedia Commons atin yang mediang maki kaugnayan kang/king:

Petrified wood

• The Petrified forest of Lesvos - Protected Natural Monument
• The Town Museum of Nová Paka Archived Mayu 2, 2006 at the Wayback Machine
• The Mississippi Petrified Forest