Barbara Hershey
I Barbara Lynn Herzstein, a mas kilála king lagyung Barbara Hershey (míbayit 5 ya ing Febrero 1948), métung yang Americanang artista. King kayang carerang magygit limang púlung banwa, miyáyaliwá ya méging papil king television ampó karéng pelicula, kayábé la réng westerns ampóng comedy. Migumpisá ya king pámanárti king edad a 17 anyang 1965 ónéng é ya mékilála ampóng mépúrí karéng critico anggang anyang decadang 1980. Anyang panaun a ita, tinúring né ning Chicago Tribune a "one of America's finest actresses".[1] Sínambut néng métung a Emmy ampóng métung a Golden Globe para king Outstanding Lead Actress in a Miniseries/TV Film para king papil na king A Killing in a Small Town (1990). Tínanggap yang nominacion para Best Supporting Actress para king papil nang Mary Magdalene king The Last Temptation of Christ (1988) ampó king papil na king The Portrait of a Lady (1996). Míka nominacion king Academy Award for Best Supporting Actress para king tauling pelicula, ampóng sínambut yang Los Angeles Film Critics Award for Best Supporting Actress para kaniti. Sínambut yang adwang galal para king Best Actress king Cannes Film Festival king papil na king Shy People (1987) ampó king A World Apart (1988). Línage ya king Hannah and Her Sisters (1986) nang Woody Allen, at míka nominacion yang British Academy Film Award para king Best Supporting Actress para kaníti, at línagé ya king melodramang Beaches (1988) nang Garry Marshall, at míka kadwa yang nominacion para king British Academy Film Award nomination para king Black Swan (2010) nang Darren Aronofsky.
- ↑ Blair, Iain (January 8, 1989). "Barbara Hershey's Class Act", p. 4.
| Barbara Hershey | |
 I Hershey anyang 2016 | |
| Mibait | 5 ya ing Febrero 1948 (edad 76) Los Angeles, California, Estados Unidos |
|---|---|
| Kapanintunan/propesion | Artista |
| Asawa | Stephen Douglas (m. 1992; div. 1993) |
| Kapareha | David Carradine (1968–1975); Naveen Andrews (1998–2009) |
| Ának | 1 |