Balantakan

Kaarian:	Plantae
(unranked)	Monocots
(unranked)	Commelinids
Orden:	Poales
Familia:	Poaceae
Genus:	Coix
Species:	C. lacryma-jobi

Binomial name

Coix lacryma-jobi
L.

Synonyms

Coix agrestis Lour.
Coix arundinacea Lam.
Coix exaltata Jacq.
Coix lacryma L.

Ing balantakan (Coix lacryma-jobi), a king Ingles, ausan dang Job's Tears, Coixseed, adlay, o adlai, metung yang matas a tanaman kareng mangapaling lugal a mamungang binutil ibat king familiang Poaceae (familia da reng dikut) a tubu king Aslagang Asia ampong peninsular Malaysia. Kareng aliwang lugal, tatanam de kareng mula antimong tanaman a annual o banuahan. Megi neng karaniwan a tanaman kareng mangapaling lugal king mauling dake ning Estados Unidos ampo king Bayung Yatu o New World. Maralas, pisasali da la reng balantakan king makabaligong lagiung Chinese pearl barley kareng Asian supermarket king America, lipat ning ing C. lacryma-jobi e ne kapareu genus ning barley o Hordeum vulgare.

Adua lang variety ning species deng tatanam da. Ing Coix lacryma-jobi var. lacryma-jobi atin yang mangaragul a pseudocarp a masias ampong maputing anting perlas, at maki tabas a tulungkaba (oval), at magagamit kareng kwintas ampong rosario ampong aliwang bage. Ing Coix lacryma-jobi var. ma-yuen pupupulan de antimong binutil, at gagamitan deng panulu kareng mapilang dake ning Asia.

Dalerayan

Pink, A. (2004). Gardening for the Million. Project Gutenberg Literary Archive Foundation.

Suglung palual

Job's Tears Archived Disyembri 1, 2006 at the Wayback Machine
Sorting Coix names