Babaguang equis

Ing bábaguang equis (Argiope versicolor) o multi-coloured Saint Andrew's cross spider king Inglis métung yang species ning bábaguang mayayákit kéraklan king Mauli Aslagang Asia (Southeast Asia), manibat king China angga king Indonesia (Java).

Pámilaráwan

Métung yang makúléng bábaguá ing bábaguang equis. Mitatakpan yang bwak a kúlé pílak a bwak ing dáké nang libútad (cephalothorax) ning babáyi. Pentagon ya tábas ing kayang atyan, at maki gúlis yang maputî, diló / kulyáwan, malútû ampnóg manuling-nuling / maralumdum, ampóng adwang gúlis a diló king dáné nang atyan. Maki tuldik lang maputî déng maralumdum a gúlis. Kúlé dalandan la réng kayang bitis a maki gúlis a maralumdum/manuling-nuling. Kéraklan makalukluk ya ing babáyi king libútad ning sáput, at maka-atyat la réng kayang bitis king tábas a X' ó equis.

Mas malatí ya ing laláki késa king babáyi, at mas mapulá (é makúlé) ya késá king babáyi. Maki kúlé yang kómanggî ó culul sucláti ampóng crema ini.