Azawad

Ing Azawagh ing pangkabilugan a lagiung e opisial para kareng manimunang dakeng mágsalitang Tamashek king pangulung Mali, pangulung Niger, ampong dake ning mauling Algeria. Bibilugan de reng Sahel ampong desiertong Sahara, a keraklan misnang leparan a kapatagan nung nu la manuknang deng nomad ing Azawagh, nung nu la manuknangan deng nomad a Tuareg. E ne katulid o katumbas ning sanumang metung a labuad a administratibo o pangkapamahalan ning Mali, Niger o Algeria, oneng kayabe la keti deng labuad a Kidal ning Mali ampo reng labuad ning Tahoua ampong Agadez ning Niger, pati na reng as mangaragul a dake ning mauling Algeria. There are also groups of Tuareg peoples in Mauritania, Libya and Burkina Faso.

Ing Azawagh basin ampo reng makapadurut a bageng geological, a mayayakit ibat king espasio. Deng dilong gulis mangabaldugan lang angganan a internasional.

Ing Azawagh ing bibilug king dakeng pangulu-aslagan ning Niger River basin, dapot ngeni ing ilug Azawagh makaba ya ampong malangi, at ing lugal mikakadanum ya ibat kareng ilug king lalam gabun keraklan.

Atin yang masikan ampong makayaliwang pamikilala ing Azawagh a darala na ning lahing Tuareg a makayaliwa kareng opisial a pamikilala ampong kaurian da reng pangkalibudtan o sentral a kapamahalan da reng Mali, Niger ampong Algeria. Linto ya ing Azawagh antimong pisasabian o issue a geopolitical o pang heograpia politikal uli ning kapagnasan a separatista nung nu ing Mouvement Populaire pour la Libération de l'Azawad ampo ing mas bayung National Movement for the Liberation of Azawad a maki kapagnasan a mitátag magsarili o independienting republikang maki pamikilalang Tuareg. Milyari murin iti uli ning War on Terror.

Suglung palual

• Tuareg Liberation Front Archived Pebreru 17, 2012 at the Wayback Machine
• Programm Mali Nord