Arnel Pineda
I Arnel Pineda (mibait Septiembri 5, 1967) metung yang talakanta ampong talasulatakanta, at iya ing manimunang talakanta ning Americanung rock band Journey.[1] Y Pineda magkasuelu yang king kayang maluid a karera king Asia king milabas a 25 banua. Kawangis ne siuala keng pamagkanta y Steve Perry ning (Journey), John Farnham ning (Little River Band), Freddie Mercury ning (Queen), Sting ning (The Police), Survivor, Heart, The Beatles, Van Halen, Aerosmith, U2, Warrant, Deep Purple, at aliwa pang banda keng kalupang genre.[2]
| Arnel Pineda | |
.jpg) Arnel Pineda | |
| Background information | |
|---|---|
| Lagyu pangabait | Arnel Pineda |
| Tinduk ning tigtig (Genre) | Rock, Hard rock, Soft rock, Pop |
| Kapanintunan | Talakanta-Talasulatkanta |
| Instrumentu | Magkanta, Gitara |
| Banwa nung kapilan aktibu | 1982-Kasalungsungan |
| Marka ning talaplaka | Warner Bros. / MCA Universal |
| Palageng makaugne | Ijos Band, Amo, New Age, Most W@nted, The Zoo, Journey |
Bie kayanakan
mag-editI Pineda, mibait ya king Sampaloc, Menila, Menila, king Filipinas, megumpisa yang megkanta inyang idad 5. Ding kayang pengari pareu lang sastri, at pepalkas da kaya ing magkanta ya at makiabe kareng ligligan kantang pangamateur.[3] Inyang y Pineda 12ng banua, ing kayang ima mete ya kaibat ning makabang sakit king idad a 35, at melakuan lang makakutkut keng utang. Y tatang na dela na la ring atlung wali nang arnel kareng kayang kamaganak para karin manuknangan, ila ri Russmon, Roderick ampong Joselito. [4] I Pineda, iya ing pekamatua karelang mikakapatad, kailangan yang tuknang keng pamagaral at manipun yang bakal-bakal, boti, at diariu king pantalan ning Menila para mu manakitan. I Pineda menuknangan ya kareng dalan, at matudtud ya keng Luneta Park o, kaya neng misan nung malyari keng bangku ning bale ning kayang kamaganak. King pamangutang nang Jessica Soho ("Kapuso Mo"),[5] I Pineda sinabi na na manenaya at manalbe kabang deng kayang kamaganak mamangan lang almusal, at mamasa yang mika atin tagan pamangan para kaya. Tagimpan nang Pineda na maging yang engineer.[6] Nung lalawen nang Pineda ing kayang milabas, ena naman kalulunusan ing kayang sarili. Atin yang atin pagasa na sumanting ing bie na datang mu rin ing aldo. [7]
Karera keng pamagkanta
mag-editInyang 1982, i Pineda 15 yang banuang idad, iya ing meging manimunang talakanta da reng lupung a Filipinong talatigtig a ausan dang Ijos Band (kaibat mipalagyuan "Yjoz"). Inyang 1986, deng aliwang kayanib mitatag lang lupung a inaus dang Amo. Deng Amo mikiabe la at minyambut la keng Rock Wars a ligligan king Filipinas. [4]
Inyang 1988, ing Amo mikiabe ya at minyambut keng ligligan keng pang Filipinung Yamaha World Band Explosion. Miyabe la kareng pangtataulian king Hong Kong dapot metechnical la at ela minyambut. (Ding talatuntunan sasabian da na dapat ing panyambut a kanta dapat menibat ya karela at eya wengisan. Dapot sinabi da naman ing papalub a kanta dapat iya mu rin itang pinyambut da inyang king ligligan pangbangsa (king Filipinas). Ing pinyambut ning Amo king Filipinas iyapin ing kareng Queen's "a Bohemian Rhapsody", masalangmasala eya karela menibatan. Kaibat ning ligligan ing banda sindu ra bilang lupung a Amo, lalageng live, at karin ya linub y Robert Palmer king Menila inyang 1989. [4]
Dalerayan
mag-editDing suglung palual
mag-edit- Arnel Pineda Official Site
- Arnel Pineda Official Forums
- International Fans Site Archived Disyembri 2, 2018 at the Wayback Machine
- All About Arnel Pineda Archived Oktubri 20, 2009 at the Wayback Machine
- [1] Archived Oktubri 13, 2008 at the Wayback Machine Immigration Newsman — read the story of how Arnel Pineda got his visa and ended up being in the United States as a member of Journey
- ↑ Rolling Stone (December 5, 2007). "Journey Finds New Singer the Old-Fashioned Way: On the Internet" Archived Mayu 2, 2009 at the Wayback Machine, Retrieved on February 5, 2008.
- ↑ Dizon, David (December 30. 2007). "Journey's new lead singer is Filipino"[suglung a mepatad], ABS-CBN News Online. Retrieved on February 5, 2008.
- ↑ Mandap, Daisy C.L. (January 14, 2008). "Arnel Pineda: Rebirth with Journey at 40", GMANews.TV. Retrieved on February 5, 2008.
- ↑ 4.0 4.1 4.2 ArnelPinedaFans.com (2008). "Unofficial Biography" Archived Marsu 2, 2008 at the Wayback Machine. Retrieved on 9 March 2008.
- ↑ Soho, Jessica (January 26, 2008), "Pinoy singing sensations, Sto. Niño, green honey" episode, Kapuso Mo, Jessica Soho public affairs TV program. Video of the TV episode uploaded on YouTube, retrieved on February 5, 2008.
- ↑ Sicam, Edmund L. (January 22, 2000), "Arnel Pineda wants to make a name in the Philippines" Archived Nobyembri 8, 2008 at the Wayback Machine, Inquirer.net. Retrieved on February 5, 2008.
- ↑ Concepcion, Pocholo (January 14, 2008) "A life straight out of a movie" Archived Eneru 18, 2008 at the Wayback Machine Inquirer.net. Retrieved on February 28, 2008.