Aristóteles
I Aristóteles métung yang filosofong Griego kanítang matuang panaun. Malépáran ing sasaklón da réng kayang kasulátan, kayábé la réng natural sciences, filosofia, linguistics, economics, politics, psychology ampóng kalalangan. Antimóng talatótag ning Peripatetic school ning filosofia king Lyceum king Athens, inumpisan né ing tradicion a Aristoteliano, a yang migsilbing balangkas king panyúlung ning makabáyung ciencia.
| Aristóteles | |
 Copiang Romano (king marmol) ning antigong Griegong bust a tangsu nang Aristóteles a géwá nang Lysippos (c. 330 BC), a maki modérnung mántóng alabástro | |
| Mibait | 384 BC Stagira, Chalcidian League |
|---|---|
| Mete | 322 BC (edad 61–62) Chalcis, Euboea, Macedonian Empire |
| Kapanintunan/propesion | Talaturû, filosofo, talasúlat |
Míbayit ya i Aristóteles king lakanbalén ning Stagira king pangulung Grecia anyang panaung Classical. Mété ya i tata na, i Nicomachus, anyang anak ya pâ i Aristóteles , at péparagul né ning métung a talaíngat. Anyang edad a 17 o 18 mikiabé ya king Academy nang Plato king Athens at miglambat ya karin anggang míras ya king edad a 37 (c. 347 BC). Kaybat nang mété Plato, méko ya i Aristóteles king Athens, at kaybat nang mékisábi kayang Philip II of Macedon, tírú né ing kayang anak, i Alexander the Great manibat anyang 343 BC. Mítátag yang aklátan king Lyceum, a sínáup bá yang gáwang dakal a libru karéng papyrus scrolls.