Anluagi

Ing Anluági (Yungipicus maculatus), métung yang species ning ayup king familia (Picidae).

Lugal nung nú ya mayayákit

Ini ing pékamalating woodpecker king Filipinas. É la milulúpa déng láláki ampong bábái. Atlú la réng lahí da: group 1 validirostris, maculatus ampóng menagei nung nú ing gúlut maki gúlis yang manuling-nuling a kómanggî ampóng maputî; maputí ya bátal a maki tuldik a manuling-nuling, at ing dáké nang bandang lálam maki gúlis yang matuling ampóng maputî; ing group 2 fulvifasciatus ampó ing leytensis maki gúlut yang maki makapal a gúlis a matuling ampóng maputî, mamuti-muti ya batal, mamutí-mutí ya sálung maki tuldik a matuling, at ding aliwá nang dáké king lálam maki gúlis yang mapínu ó alá yang gúlis king bandang bábó, ónéng maki maragul yang tagping maputî king bandang lálam king gúlut ampó king bandang buldit; ing laláki, maki malútú yang pálung; maputí ya ampóng makítid bátal, diló ya o kulyáwan kúlé bátal, at ing kayang sálû; diló ya at maki maputlá yang gúlis a kómanggî.

Tuknángan

Katutúbú ya king Filipinas ing anluági. Mánuknángan ya kareng kakéwan ó gúbat a tropical subtropical king kapatágan o kabundúkan.

Daléráyan

• A Guide to the birds of the Philippines (2000) Robert S. Kennedy pedro C. Gonzales, Edward C, Dickinson Hector C. Miranda, jr. & Timothy H. Fisher