Alexander Glazunov

I Alexander Konstantinovich Glazunov (10 ya ing Agosto [O.S. 29 ya ing Julio] 1865 – 21 ya ing Marzo 1936) métung yang Rusong compositor, talaturung musica, ampóng director ning orquesta (conductor) ning tawling dáké ning panaung Romanticong Ruso. Ya ing director ning Saint Petersburg Conservatory anyang pílatán ning 1905 ampóng 1928 at maulaga ing géwá nang papil king pámag-reorganiza ning instituto bá yang maging Petrograd Conservatory, at kaybat Leningrad Conservatory, kaybat ning Revoluciong Bolshevik. Yá pa múrin ing ménibálá king Conservatorio anggang 1930, agyáng mékó ya king Unión Soviética at é né míbálik. I Dmitri Shostakovich ing kabalítan díling mágáral anyang múmúnang dáké ning panaung Soviet.

Alexander Glazunov
Laráwan nang Glazunov a géwá nang Ilya Repin, 1887
Mibait	10 ya ing Agosto 1865 Saint Petersburg, Rusia
Mete	21 ya ing Marzo 1936 Neuilly-sur-Seine, Francia
Kapanintunan/propesion	Compositor, director ning orquesta, director ning conservatorio ​