De La Salle Philippines
|
| |
| Motto | Religio Mores Cultura |
|---|---|
| Mitátag | 2006 |
| Uri | Privadu, Lasallian |
| Pamuntuk | Br. Armin Luistro FSC |
| Talaturu | 5,000* |
| Empleadu | 2,300* |
| Magaral | 89,974 |
| Lugal | Luzon, Visayas, ampong Mindanao, Filipinas |
| Campus | labing walung pipagaralan |
| Deng Talapanibala (Administrators) | 750* |
| Kule | Aluntyan ampong Maputi |
| Website/Karinan-Aptas | www.lasallian.ph/institute1 |
| * Dugtong, C. A. (2006). And then there was one La Salle. Philippine Lasallian FaMiLi, 8, pp. 3. | |
Ing De La Salle Philippines, Inc. (DLSP or DLSPI) ing lupung talapanibala (governing body) da reng eganaganang Lasallian a pipagaralang pang-distritu king Filipinas. Iti ing tatalan kareng labing walung campus a magsarili (autonomous) king mabilug a bangsa. Mitatag ya kanitang 2006 antimong kayalili ning De La Salle University System, metung a w:university system a bibilugan da reng walung campus a magsarili king Metro Manila ampo reng kasiping nang lalawigan a Laguna ampong Cavite a mitatag lalam ning pamanungkulan nang Bro. Andrew Gonzalez FSC antimong pakibat king masalusung pamandagul da reng pipagaralan a Lasallian ba lang magamit king makayagpang diling paralan deng bandi (resources) da reti. Kanitang 1911 ya mitatag ing minuna nang campus, samantalang keta yang 2006 mibuklat ing bayung dili king Bagac, Bataan.
       |
Kapakayan ning DLSP ing papalyaryan ing matalab o efectivung pamanyuyu at sumaup a magtipid la reng labingwalung pipagaralan kapamilatan ning pamiugnayan a mas centralizadu o matigik. Mitatag ya ing National Mission Council (NMC) bang magsilbing matas diling lupung a gagawang patakaran ning DLSP. Adwa lang pulu't atlu (23) deng kayanib king NMC: labing lima kareng myayaliwang pipagaralan, at walu ibat kareng La Salle Christian Brothers. Manatili yang non-stock at non-profit ing DLSP. King salukuyan, ing pamuntuk ning De La Salle University-Manila, i Br. Armin Luistro FSC, ing magsilbing Chief Executive Officer (CEO) o manimunang manungkulan a talapagpaganap ning corporaciun. Mika sarili yang Chancellor ampong school board ing balang institucion a kayanib, at mika ganap yang pamagsarili (full autonomy) ba neng panibalan ing kayang institucion.